Wezîrê derve yê Amerîka “Rex Tillerson” di civîneke guhdarkirinê ya encûmena karubarên navdewletî de, ya ser bi Encumana Pîrên Amerîka ve, tekez kir ku Koçka Sipî çi destûrdanê ji kongirês naxwaze, ji bo karekî serbazî li dijî rijêma Esed.
Wezîrê derve, sûrbûna xwe nîşan da li ser “destûrdaneke vekirî” derbarê mercên bikaranîna rêveberiya Amerîka ji hêzên leşkerî re li derveyî welat ji bo şerê dijî terorê.
Tillerson di bersiva pirsekê de ji “Bob Kiroker” serokê komîta karubarên navdewletî ya Encumana Pîran, got ku koçka sipî ti “destûrstandinê” ji bo karê li dijî rijêma Esed naxwaz e, û tekez kir ku ewê destûrdaneke guncayî bixwaze,”dema gerek be”.
Tillerson û her weha wezîrê bergiriyê Cîmis Matîs, tekez kirin ku rêveberiya Amerîka ji berê de mafê bikaranîna hêza leşkerî daye, ji 14’ê êlûna 2001 an de, yekser piştî êrîşên 11’ê êlûnê, û hîn jî pê pabend e. Û ligor gotina Matîs ku ev yasa “dimîne bingehekî qayîm ji bo oparesyonên leşkerî yên niha li dijî gefên ku bi demê re têne guhertin“.
Hêjayê gotinê ye ku wezîrê derve yê Amerîkî “Rex Tillerson” roja pêncşema borî, piştî hevdîtinekê bi Nûnerê Taybet yê Neteweyên Yekbûyî (NY) “Staffen de Mistura” re li Cinêv, da zanîn ku desthilata malbata Esad bi dawî dibe, û diyar kir ku mijara sereke çawaniya bidawîkirina wê desthilatê ye.
Tillerson diyar kiribû ku Amerîka “Sûriyake yekgirtî bêyî Beşar Esad li ser desthilatê be dixwaze”, û pabendiya Waşinton bi vejînkirina pêvajoya Cinêv bo çareseriyeke siyasî ya giştgîr dupat kir, û gotibû: “me pabendiya xwe bi pêvejoya aştiyê li Sûriyê daye di hevdîtina bi nûnerê Taybet yê NY re de“.
Tê zanîn ku roja înê 7’ê gulana 2017an, ji aliyê Amerîka ve êrîşek bi 59 mûşekan li dijî firokxaneyeka rijêma Esed hatibû pêkanîn, û li gor gotina berpirsên Amerîka ku ew êrîş sînordar û bilez bû.
Jêder: Ofîsa Ragihandina Hevbendiya Niştimanî/Wekalat