Rêkxistina Netewên Yekbûyî (UNISEF) ragihand ko li dora 187hezar zarokên Sûrî anko nîvê zarokên Sûrî yên ko di temenê çûna dibistanê de ne, derfetên fêrkbûnê ji wan re nîn in.
Rêkxistina navnetewî ya bi karûbarê zaroktiyê ve têkildar e, fîlmekî dokomentî li ser rewşa zarokên penaber yên Sûrî li Libnanê derxistiye. Rêkxistinê got ku zarokên penaberên Sûrî li Libnanê ji bo bidestxistina derfeta fêrkbûnê zehmetiyê dikêşînin, û gelek ji wan dev ji xwendinê berdin û kar bikin an jî zû şûkirinê dikin.
Tanya Şaboyzat nûnera UNISEF li Libnanê got belengazî û tunebûna ewlekariyê û dûrketina civakî û astengiyên ziman, nahêlin zarok derfeta fêrbûnê bidest bixînin, û ev dihêle ko nifşek bi tekûzî ji zanistiyê bêpar be, û beraberî metirsiya zûşûkirinê û xistina zarokan di nav kar de bibin.
Zarokin Sûrî di Fîlmê dokomentî de yê ko rêkxistina UNISEF amade kiriye, li ser derdê xwe axivîne û hinekan ji wan gotin ji gava ko dev ji dibistanê berdane xwendin û nivîsandin ji bîr kirine, û hinekan jî gotin ko wan bi sedema tengaviya rewşa wan ya jiyanê bi du dolaran kar dikin, ji gava ko ji malên xwe ji çar salan ve bi kotekî koçber bûne.
UNISEF berî sê rojan anî ziman ko bêtir ji 23hezar zarokên penaber piraniya wan ji Sûriyê û Îraqê û Efxanistanê ne, bi sedema rewşa zivistana dijwar li Yonan, Ewropa rojhilat û Belqanê, dibe bi nexweşiyên dijwar bikevin û jiyana wan di metirsiyê de ye.
Rêkxistina Humen Right Woutch di tîrmeha buhûrî de got ko nîv milyon zarokên Sûrî li Libnanê di temenê fêrbûnê de ne, û nîvê wan hêj li derveyî dibistanan e. Rêkxistinê di raporta xwe de bêtir got ko bêtir ji 150hezar zarokên Sûrî çûne dibistanên fermî û 87hezarên din li dibistanên taybet dixwînin.
Hevbendiya Niştimanî ya Hêzên Şoreşê û Rikberiya Sûriyê daxwaz ji Netewên Yekbûyî û Rêkxistinên wê kir, ko bi pabendiyên xwe yên yasayî yên navdewletî bo mafê fêrkirinê emekdar bin. Çimkî belgehên wê destnîşan dikin ko mafê her kesî heye, sûdeyê ji fêrkirineke baş bibîne bê cudatî û dûrxistin, û gerek desthilat jî pabendiyên xwe yên yasayî û siyasî pêk bînin, derfetên fêrkirina zarokên ko bi kotekî dev ji malên xwe berdin, bi sedema cenga ko rêjîma Beşar ji şeş salan ve li dijî miletê xwe dike.
Jêder: Nivîsgeha Ragihandinê ya Hevbendiya Niştimanî+Acans
