Deste û komelên sivîl ragihandin ko herêma Wadî Bereda bi sedema bombebaran û dorpêça berdewam ji hêla rêjîmê û milîtanên hizbulaha tirorist, piştî 34 rojan ji kampanya leşkerî bûye deverek bobelatlêbûyî, tev ko civînên Astane tekezî li ser cîbicîkirina agirbestê kirine.
Deste û komelan di daxuyaniyekê de, ya doh çarşembê derketiye, daxwaz kirine ku bêtir ji 80hezar sivîlî yên hêzên Beşar û hizbulaha tirorist ew dorpêç kirine rizgar bikin. Û tekez kirine ko bêtir ji 200 kesî, zarok û jin jî di nav wan de hene, ji destpêka operasiyona leşkerî ya berdewam de şehîd ketine, û bêtir ji 400 kesî birîndar bûne û 150 kes ji wan pêdiviya wan bi çareserkirinê li nexweşxanên jiderveyî herêmê heye. Û destnîşan kir ko hemû nexweşxane û desteyên bijîşkî ji xizmetê derketinbe piştî ko ji hêla hêzên Beşar û milîtanên hizbulaha tirorist yekser hatine amanckirin.
Gundên Wadî Bereda bêyî kehrebe û avê û hêlên telefonê û mobaylan dijîn, her weha piraniya cûreyên dermanan li dermanxaneyan nemane, û bi taybetî dermanên dil û yên tansyonê û nexweşiya şekir û yên damaran û şîrê şîrmijan jî nîn e. û hêzên Beşar nahêlin hemû hevwelatiyên hewcedarî çareserkirinê ne ji herêmê derkevin û bi şeşarên giran û segmanan wan amanc dikin.
Çalakvanên ji herêma Wadî Bereda gotin ko hilîkopterên hêzên rêjîmê doh çarşembê gundê Eyn Elfîcê bi bermîlên teqîner amanc kirine, digel bombebarana bi butlên teqîner û mûşekên zemîn-zemîn û dolabên teqîner yên bi heybera TNT ya teqînxurt dagirtîne, û bi topa giran û guleyên Hawinê bombebaran dikin, bi amanca ko destêwerdana herêmê bikin.
Binpêkirinên ko rêjîmê û milîtanên bi ser Îranê ve, hejmara 950î li tavaya Sûriyê derbas kirine, li gora ko nivîsgeha rgihandinê ya Hevbendiya Niştimanî serjimar kiriye, ji gava ko peymana agirbestê di 30.12.2016an cîbicî bûye.
Jêder: Nivîsgeha Ragihandinê ya Hevbendiya Niştimanî
