Duhî heryek ji Firensa û Birîtaniya daxwaza lidarxistina civîneke bilez ya Encûmena Ewlekariya Navdewletî kirin, ji bo gengeşekirina tawanên şer yên rêjîma Esed û hevalbendên wî li Helebê, û ligor dibilomatkaran tê pêşbînîkirin ku îro roja çarşemê civînek li Netewên Yekbûyî wê lidar bikeve.
Li aliyek din balyozê Firensa li NY Firanswa Dolatir bajarê Helebê bi “navenda berxwedanê” li dijî rêjîma Esed binav kir, û tekez kir ku “bajarê şehîdkirî her ji sala 2012an ve rastî bombebarankirinek berdewam dibe’.
Herwiha balyozê Birêtaniya jî Masiyo Raykroft got ” ku Heleb dişewite, û divê em giringiyek mezin bidin vê kêşeya sereke”.
Hêjayî gotinê ye ku rêjîma Esed û bi pişkdariya firokên Rûsiya dagîrker her ji 21’ê nîsanê ve li ser taxên Helebê oparasyoneke terorîst pêktînin, ku taxên bajêr rastî bombebaranek dijwar û bitewş tên, ku nexweşxane û avahiyên tendurustiyê û senterên bergiriya sivîl û tevî sivîlan tên armanckirin, tevî têkçûna rewşa mirovî li bajêr, û NY li hember vê yêkê dilgiraniya xwe nîşan da, û anî ziman ku armanckirina nexweşxaneyan “binpêkirinek eşkere ye ji yasa navdewletî re”.
Ji aliyê xwe ve, Serokê Hevbendiya Niştimanî ya hêzên şoreş û rikberiya Sûriyê Enes El’ebide diyar kiribû ku, rêjîma Esed tawanên şer û yên dijemirov li dijî Helebê encam dide, hevdem daxwaz ji dostên gelê Sûriyê û ji Encûmena Ewlekariyê kiribû ku rabin bi rêşûnên berhest û berçav ji bona rawestandina êrîşên rêjîmê li ser Helebê.
Jêder: Hevbendî + Wekalat
