Berpirsekî di Wezareta Berevaniya Emerîka (Pentagon)de tekez kir, ku hebûna leşkerî ya Îranê li Sûriyê dihêle ku derfetên çareserkirina krîzê li vî welatî bi rêyên siyasî kêm bibe.
Alîkarê Wezîrê Berevaniya Emerîka, Robêrt Storî Karm, Doh, roja Çarşemê di dema civîneke Kongirês de ku derbarê Sûriyê bû got: “Hebûna Îranê û kiryarên wê yên nebaş dihêle derfetên çareserkirina siyasî li Sûriyê gelekî kêm bibin”.
Ji aliyê xwe ve, Wezîrê Derve yê Siûdiyê Adil El-Cubêr roja Sêşemê di dema beşdariya di kongreyê salane yê rêxistina “Hevgirtî ne, li dijî çekên etomî yên Îranê UANI “, di çarçoveya civîna Komeleya Giştî ya Neteweyên Yekgirtî li Newyorkê, tekez kir ku “Îran di siyaseta xwe ya dujminkarane li deverê berdewam e, û siyaseteke nijadperstî li Sûriyê dimeşîne”.
El- Cubêr lêzêde kir: “Îran li Sûriyê temaşe dike ku dergehekî Hizbula Libnanê ye, û siyaseta nijadperstiyê li Sûriyê peyrew dike”, û destnîşan kir ku “Îran bê çekên etomî jî cihê metirsiyê ye, û heger çekên wê yên etomî çê bibin ti kes nikare wê rawestîne, ji ber ku metirsî ne di hêza wê de ye, lê di kiryarên wê de ye’.
Ji aliyê xwe ve, Şêx Ebdula Bin Al Xelîfe, Balyozê Behrên li Emerîka, di dema gotara xwe de li kongir destnîşan kir ku “Çareserî ji bo rûbirûbûna Îranê; guhertina rejîma Tehranê ye”.
Herwiha Balyozê Îmarata Erebî li Waşintonê Yûsif El-Uteybe, da zanîn ku ” Tenê bi fişara derve, dê guhertin di siyaseta derve ya Îranê de pêk were, ne tenê ji aliyê Emerîka ve, lê ji Ewropa û Asya û tevahiya dewletan”.
Îran di dawiya sala 2012an de, milîsên xwe yên mezhebî şandin Îraq û piştre Libnanê, da ku li kêleka hêzên rejîma Esed li Sûriyê şer bikin, û ligel rejîmê Şoreşê tine bikin, û Îran dixwaze di rêya destêwerdana Sûriyê xwe wekû hêzeke herêmî ya mezin ligel Tirkiyê û Israîl û Siûdiyê ferz bike.
Heftiya derbasbûyî, ajansa Anadolê Enfografîkek belav kiribû, têde belavbûna milîsên Îranê yên terorîst li Sûriyê nîşan dabû, û amaje bi wê yekê kiribû ku 22 grûpên wan milîsan li 232 xalan li Sûriyê belav bûne, ku ew grûp derderoa 120 hezar çekdarî li xwe digrin.
Jêder: Ragihandina Hevbendiya Niştîmaniya Sûriyê
