Nûçeya vedana gora zarokê penaber yê Sûrî li gundekî Libnanê û vegerandina kelaxê wî li malbata wî bi behaneya ko goristan taybet bi Libnaniyan e, evê yekê pêlek ji hêrs û pirotestokirineke giştî di medya civakî û kolana libnanî de çêkir, û wek karvedan dijî vê kirdeya bi nijadperestî hat binavkirin, hin Libnaniyan parçexakek dan penaberên Sûrî li bajarokê Asûn yê li bakurê Libnanê.
Dr Xalid Ebdilqadir li ser dîwarê xwe yê taybet di medya civakî “Facebook” de, duhî duşembê, anî ziman ko wî parçexakek li bajarokê Asûn da biraderên xwe yên Sûrî, da ew tenê miriyên xwe lê veşêrin.
Dr. Ebdilqadir got: ‘’Min ji par ve nêta pêşkêşkirina vî erdî kiribû, lê pêrabûnên tapokirinê dem jê re divê, û gava ev bobelat çêbû, min aşkere ragehand. Û got ku tiştê li bajarokê me çêbû bi derxistina kelaxê zarokekî Sûrî ji gora wî, karekî redkirî ye, û li gor hemû pîvanan, çi yasayî bin yan olî bin yan mirovahî bin‘’.
Dr. destnîşan kir ko xelkên bajarokê Asûn bilez parçakî mezintir dan, û ez bi xwe çûn û min dît, bi rastî mezintir e, lê pêdiviya wê bi diristkirinê heye, çimkî em li herêmeke çiyayî ne, û min diristkirina wê da ser milê xwe.
Profesorê ko di ola islamê de taybetmend e, damezirandina dibistaneke taybet û bi ruxset (Baxçê Zarokan, Seretayî, Navencî heya pola 9) ragehand, û got: ‘’ Em pêşwaziya biraderên Sûrî û Libnanî dikin, û ji ber rewşa wan, yên Sûrî dê nîvê Libnaniyan bidin.‘’
Hin Libnanî û Sûriyan bûyer pirotesto kir, her weha birêveberê Ewqafan yê bajarê Terabilis, Firas Belût, di daxuyaniyekê de duh belav kir, dibîne ko ‘’ vedana gorê nayê pejirandin, lê bikaranîna mijarê bi şêweyekî dijatiyê belav bike jî nayê pejirandin, divê em zanibin ko meydana me ya giştî û taybet ne hewcedarî vêxistina agirê nakokiyan e . ‘’
Ji hêla xwe ve Hevbendiya Niştimanî ya Hêzên Şoreşê û Rikberiya Sûriyê, bûyer pirotesto kir, û bi rêz û hurmet pêşwazî li destpêşxeriya biraderên Libnanî li ser tiştê çêbû kir, û spasiya hemû dengên mirovîniyê yên ko bûyer pirotesto kirin kir.
Û hêvî kir ko giyanê wek van helwestan bêtir bibe, û li gora bilindiya asta miletê Sûrî û Libnanî û peywendiyên wan yên dîrokî û pşerojê be.
Jêder: Ofîsa ragihandinê ya Hevbendiya Niştimanî ya Sûrî