Wêneyên taxên bajarê Humsê yên ji aliyê hêzên rejîma Esed di salên şoreşa Sûriyê de hatine wêrankirin, di serê lîsteya wêneyên herî baş yên îsal di kovara “National Geographic” a cîhanî de hatine.
Û taxa Xalidiyê li bajarê Humsê, ya ku ji aliyê hêzên Esed ve hatiye topbaranankirin û wêrankirin, di rêza sêyem di nav coreyê “PLACE” di nav beşên din ên wêneyên xwezayî de ne.
Wêngirê Elmanî Christian Werner, derbarê dîmenên kavilkirin û wêraniya li Humsê got: “Ez matmayî mam dema ketim taxa Xalidiyê de, û di serdana xwe ya ji çend bajaran re min ti wêrankariyek bi vî awayî nedît”, û derbarê bêdengiya li bajêr, wêneger got: “bajar kerr bû, û ne dengê otomobîlan hebû û ne jî dengê tişteke din”.
Û dîmenên di lîsteya “National Geographic” de hatin, yên wênegir Werner, di bin navnîşanê “Wêranî û Sawêr” di çarçoveya gropa wêneyên bajarên din yên Sûriyê de, yên ji aliyê hêzên rejîmê û hevalbendê wê hatine ruxandin.
Ew wêne ji aliyê wênekêş Werner ve hatibûn kişandin, di dema serdana xwe de ya ji hindek bajarên mezin yên Sûriyê re, û wêneyên kavil û wêraniyan ji bo kovara “Daily Mail”ya Elmanî hatibûn kişandin.
Herwiha ku pêştir çend wêne ji aliyê balafireke bê pîlot hatibûn girtin, û di rojnameya “Daily Mail” de hatibûn belavkirin, û di wêneyan de diyar dibe ku çawa Humsê bûye bajarê reşkên şevê, ku kavilên avahiyan û qalikê top û rokêtên vala, bûne samanê bajêr, piştî ku ew bajar navendeke giring a pîşesaziyê bû.
Û bajarê Humsê, sêyemîn bajarê herî mezin e li Sûriyê, û bajarê erebî yê bi tenê bû ku wêneyên wî di pêşbirkê de diyar bûye, û hevdem ku Hums di sala 2011’an de yek ji bajarên herî pêşiyê bû li Sûriyê yên serî li dijî rejîma Esed hildabûn, û ji aliyê hêzên rejîmê hate dorpêçkirin û bombebarankirin û niştecihên wê hatin koçberkirin.
Jêder: Ofîsa Ragihandina Hevbendiya Niştimanî ya Sûriyê
