Berdevkê wezareta karubarê derve ya Amerîka, Mark Toner, dît ku “dem hatiye ji bo rijêma Esed bigihê sizayên xwe yên rasteqîne li ser kiryarên ku kirine, û pêwîst e civaka navdewletî hêz û rewatiya yasaya navdewletî biparêz e, di rûbirûbûna yekem bikaranîna tekezkirî ji çekên kêmyayî re, ji aliyê dewletekê ve ku li ser rêkeftina qedexekirina çekên kîmyayî amze kiriye “.
Toner duhî di daxuyaniyekê de tekezî kir li ser tişta ku di raporta mîkanizma hevbeş, ya di navbera NY û Rêxistina Qedexekirina Çekên Kêmyayî de hatiye, ya derbarê bikaranîna sê caran ji çekên kêmyayî re ji aliyê rijêma Esed ve, di dema navbera herdu salên 2014 û 2015an de.
Toner di daxuyaniya xwe de cext li ser pêwîstiya” dadgehkirina her kesê ku bikaranîna wan ji çekên kîmawî re tekez bibe” kir, hevdem rexne li wan dewletan kir yên ku ” rijêma Esed ji sizayên kiryarên wê diparêzin, tevî ku belge zêde dibin li ser tekeziya bikaranîna çekên kîmyayî ji aliyê wê”.
Toner bal kişand ku” bêtevgerî ne bijardeya me ye, lewra niha em kar dikin di çarçoveya Rêxistina Qedexekirina Çekên Kêmyayî û Encûmena Asayîşa Navdewletî de, ji bo dirêjkirina karê kartêker yê Mîkanizma Lêkolîna Hevbeş, û şandina nameyeke xuya, û emê têde bêjin ku xemsarî û lêborîn der barê bikaranîna çekên kêmyayî tune ye”.
Hêjayê gotinê ye ku serokê Hevbendiya Niştimanî ya hêzên şoreş û rikberiya Sûriyê, Enes Ele’bide, di dema belavbûna raporta sêyemîn de, nameyek ji heryek ji sikirtêrê NY Ban kî Mon û serokê Encûmena Asayîşa Navdewletî re şandibû, û têde daxwaza sepandina sizayan ji dewletên endam kiribû, li ser binyatê benda heftan ya peymannameya NY û ligor biryarên Encûmena Asayîşê hejmar 2118 û 2209 û 2235, yên sizayan ferz dikin li ser her aliyê rêzê li yasa navdewletî negire, û bimebest bi karê kuştina sivîlên bêguneh rabe.
Jêder: Hevbendî + Wekalat
