Wezareta derve ya Emerîkî tekez kir ko divê pêrabûn bibin ji bo vekolînên sizakirina berpirsiyarên rêjîma Esed yên ko tawanên hovane lidijî miletê Sûrî cîbicî kirine. Û destnîşan kir ko ew piştgiriya komîta vekolînê ya bi ser Netewên Yekbûyî ve dike, û ew jî bi heman encamên ko bigihênê re ye, der bare binpêkirinên mafên mirovan ko li Sûriyê dibin.
Bajarê Helebê rastî êrîşeke leşkerî ya tund ji hêla Rêjîma Esed û Rûsya û Milîtanên Îranî ji roja sêşembê 15.11.2016 ve dibe, di encamê de 412 kes ,du parên wan zarokin, şehîd ketine. Çalakvanan bikaranîna çekên bêserûber li dijî sivîlan belgeh kirine, hem li dijî avahiyan, û bi wê sedemê jî hemû nexweşxane ji xizmetê derketine.
Berdevkê wezareta Emerîkî Con Kêrî got: “divê vekolîn bêne kirin da berpirsiyarên Sûrî li ser tawanên hovane lidijî miletê Sûrî bêne sizakirin. Me piştgiriya vekolînan kiriye û tiştê Netewên Yekbûyî û rêkxistinên Sûrî dikin tako binpêkirinên lidijî mafên mirovan li Sûriyê belgeh bikin, û me piştgiriya komîta vekolînan ya bi ser Encûmena mafên mirovan li Netewên Yekbûyî kiriye. ”
Piraniya Encûmena Cîgirên Emerîkî bi erênî deng dane, li ser sizakirina her kesên alîkariya rêjîma Esed kirine, li gor yasaya bi “Sîzer”, ji nav wan jî Rûsya û Îran, bi armanca bidawîkirina tiştê tê sere gelê Sûriyê.
Û li gora serjimara ko Nivîsgeha Ragihandinê ya Hevbendiya Niştimanî amade kiriye ji bo belgehkirina tawanên Rêjîma Esed û Rûsya yên di operasiyona dawî de kirine, firokên Rûsya û yên Rêjîma Esed bêtir ji 30 kuştarî li taxên Helebê yên dorpêçkirî pêk anîne, ko hejmara xelkên wan digihêje 300hezar kesî, her wiha bêtir ji 12 kuştaran li gundewarê Helebê pêk anîne û bidehên sivîlan bûne qurbanî.
Û Kêrî piştgiriya Emerîka ji encamên civîna Encûmena Mafên Mirovan re ya heyva derbasbûyî tekez kir , ya ko tê de doz kiriye ku pêrabûnên vekolînan di derbarê êrîşên asmanî li ser Helebê bikin, û kesê ku pê rabûne destnîşan bikin. Her wiha Waşinton çavdêrî û piştgiriya xwe ji komîta sêyem ya komelgeha Netewên Yekbûyî re, û biryarên wê yên li ser rewşa mirovan li Sûriyê ragihand, û piştgiriya damezirandina komîta çavdêriya bikaranîna çekên kîmawî û destnîşankirina aliyên li Sûriyê bi kar anîne kir.
Ji aliyê xwe ve wezîrê derve yê Elmanî Firank Walter Şitaymer, piştî hevdîtina digel şandyarê Netewên Yekbûyî bo Sûriyê Stîvan Dî Mistora li Berlîna paytext, doh sêşembê ji Rûsya û Rêjîma Esed daxwaz kir ko êrîşên xwe li ser Helebê rawestînin û destnîşan kir ko nabe ev rewş berdewam bike.
Ji aliyê xwe ve şandyarê navnetewî Dî Mistora got ku ew hizir dike Rêjîma Esed ev dema ji serokê Emerîkî Tiramp re maye, heta ko karûbarên xwe birêve bibe, delîve bibîne û “derbekê tund li rikberên xwe bideˮ.
Jêder: Nivîsgeha Ragihandinê ya Hevbendiya Niştimanî
