Wezîrê berevaniya Tirkiyê Xelûsî Akar tekez kir ko hêzên welatê wî derbarê herêma Minbic û Rojhelatê Ferat bi xurtî kar dikin, û gef li milîtanên PYD yên ko berdewam in di kolana xendekan de xwarin, û soza têkbirina wan da.
Akar evro pêncşembê di gotinekê de li pêşberî hêzên Tirkiyê bi serpereştiya hêzên hevbeş yên Qeter û Tirkiyê li Dewhayê paytexta Qeter got kolandina çeper û tunnelan li Minbic û û rojhelatê Ferat “Pêşiya Tirkiyê nagire ko em tiroristan li wir têk bidin.‘’
Û got: ‘’Eger bixwazin bila têkevin bin erdê, wextê guncaw, tekez em ê wan têde veşêrin. ‘’
Ev hat piştî ragehandina jinişkê ve ya serokê Emerîkî Donald Tiramp ko ewê bi tekûzî ji Sûriyê vekişin, piştî ko operasiyonên têkbirina rêkxistina Daiş bidawî kirine.
Berdevka wezareta berevaniya Emerîkî (Bintagon) ,Dana Wayit, got ku hevpeymaniyê ew xaka ko Daiş dagîr kiribû rizgar kir, û got: ‘’Me dest bi operasiyona vegera hêzên Emerîkî bo welat kir .‘’
Serokê Hevbendiya Niştimanî ya Hêzên Şoreşê û Rikberiya Sûriyê dibîne ku ‘’ Derdê miletê Sûrî berdewam e, bi destê hêzên Esed û rêkxistinên tirorist yên din, çi milîtanên Îranî û hizbulah bin çi PYD bin‘’, Mistefa dîsa tekez kir ko çi operasiyona leşkerî lidijî van rêkxistinên tirorist ‘’Cihê dilxweşî û piştgiyiya me ye.’’
Artêşa Sûrî ya azad ragehand ko ew amade ye di operasiyona leşkerî de beşdar bibe, tako wan milîtanan ji rojhelatê Feratê derbike, û diyar kir ko dora 15hezar şervan dê bi artêşa Tirkiyê re beşdar bibin bo têwerdana 150 xalecihan.
Jêder: Ofêsa Ragehandinê ya Hevbendiya Niştimanî / Acansa Anadol