Wezîrê derve yê Holendî Bîrt Kondirîs mana Beşar Elesed di desthilatê de red kir, û got: Ne mumkine yê ko gelê Sûrî kuştiye em wî parek ji paşeroja Sûriyê bibînin. Û got: Ne mumkine ko Esed herûher Serokê Sûriyê be.
Kondirîs tekez kir ko: “Raperîna li dijî rêjîmê ji bo gelek sedeman rabûye û daxwazên wê rewa ne.” lê belê “metirsiya nuha li Sûriyê me neçar dike ku em yekî helbijêrin, Rêjîm an jî Daiş, û ev helbijartin sexte ye, lewra gerek em bijarteyeke din xurt bikin”. Destnîşan kir ku “gerek em Opozisyona lîbral xurt bikin”. Û herdû ramanên nêzîkî hev in bikin yek ,”ji jêr ve ber bi jor” ( bi mebesta agirbestên xwecihî) û “ji jor heta jêr ” (bi mebesta Çareseriya siyasî li ser asta niştimanî di çarçova prosesa Jinêvê de).
Kondirîs bêtir got: “ji ber wilo em piştgiriyê didin Dî Mistora yê dixwaze şer birawestîne û evî programî bicî bîne. Ew jî ji sedemên mirovî pir giring e, ya din jî gerek em piştrast bibin ko danûstandin li gora Cinêvê bibin. Ev her du bizav giring in û her yek ya dî temam dike. ” Jêder: Hevbendî+Elheyat