Wek rexneyekê li axaftinên şandyarê navdewletî yê taybet bo Sûriyê Stîvan Dî Mistora , wezîrê derve yê Qeterî Mihemed bin Ebdulrehman Al Tanî tekez kir ko Beşar Elesed li pey kuştina 500hezar kesî ji xelkên Sûriyê ye.
Di hevpeyivîna ligel rojnameya “Le Temps”ya Siwêsrî , Al Tanî got ku parek ji civaka navdewletî giringî da şerê Daişê û nema behsa rêjîma Esed dike, û bêtir got ku Dî Mistora nikare ragihîne kî li Sûriyê bi ser keftiye û kî têkçûye, û destnîşan kir ko Qeter û dewletin din piştgiriya Artêşa Sûrî ya azad dikin.
Wezîrê derve yê Qeterî tekez kir ko hêviyên welatê wî di artêşa Sûrî ya azad de hene, û pabendiyên navdewletî di vê derbarê de hene.
Al Tanî dibîne ko xurtbûna Cebhet Elnesra ya ko di lîsteya cîhanî ya tiroristiyê de ye, tê bi sedema kêmbûna piştgiriya alayên Sûrî yên artêşa Azad, û got ku giring e alîkarî bi alayên Artêşa azad re bibe.
Jêder: Nivîsgeha Ragihandinê ya Hevbendiya Niştimanî/ Acans