Wezîrê derve yê Tirkiyê Mewlûd Çawîş Oxlo evro sêşembê hişyarî da rêjîma Esed çimkî hêzeke leşkerî ya Tirkiyê ket ber êrîşeke rêjîma Esed, di dema ko berê xwe didan xaleke çavdêriyê li parêzgeha Idlibê ya bi ser herêma kêmkirina şerî ve.
Çawîş Oxlo di kongirekî rojnamevanî de li Enqerê got: ‘’Divê rêjîma Esed bi agir nelîze, û em ê tiştê pêdivî bo saxlemiya leşkerên xwe bikin ‘’ . û tekez kir ko Tirkiyê xala çavdêriyê ya nehan li Idliba Sûrî bo cihekî din naguhêze.
Derbarê bizavên çêkirina herêma aram li bakurê Sûriyê Çawîş Oxlo got: ‘’Berpirsiyarên Emerîkî tên Sûriyê, û gotûbêjên bo herêma aram dest pê kirine. ‘’
Wezîr got: ‘’Gotûbêjiyên me digel Waşinton derbarê herêma aram dê berdewam bin , û planeke me heye eger em negehên lihevkirinekê. ‘’, û bal kêşand ser ko ew rê nadin Emerîka sersariyê bike wek ko li Minbicê çêbû.
Derbarê milîtanên PYD wezîrê Tirkî got: ‘’Em napejirînin Emrîka me piştguh bike û çekan bide rêkxistina PKK ya tirorist. ‘’
Ev gotin kir piştî ko hêzeke Tirkî dema ber bi xala çavdêriyê ya nehê li başûrê Idlibê ve diçû û ket ber agirê rêjîma Esed, di encamê de sê sivîl hatin kuştin û 12 birîndar bûne. û ew nêzîkî leşkerên Tirkan bûn li gora daxuyaniya wezareta berevaniya Tirkiyê.
Di herdu rojên dawiyê de Tirkiyê piştgiriya xalên leşkerî yên li Idlibê kir, û duhî duşembê bi amanca peymana Idlib biparêze û nehêle hêzên Esed û milîtanên şervan ên ligel bêtir ber bi bi herêmê ve biçin.
Jêder: Ofêsa Ragehandinê ya Hevbendiya Niştimanî/Enadol
