Çend xwepêşandan li bajarok û gundên rojhilat-bakurê Dêrazorê lidar ketin ji bo şermezarkirina binpêkirinên çekdarên “PYD” û sepandina desthilatiya darê zorê li ser xelkê, tevî hebûna gendeliyeke mezin di birêvebiriya navçeyê de.
Ji aliyê xwenîşanderan pankart li dijî milîsan hatin bilindkirin û sloganên daxwaza derketina wan milîsan dikin hatin gotin, û hin sayitên mediya xwecihî diyar kirin ku xwepêşandan ji sê rojan ve berdewam in, û hin rê hatine birîn û bazar ketine grevê de.
Tora “Furat Post” bal kişand ku xwenîşandanek li bajarokê “Elîzbê” ji aliyê çekdarên PYDê ve hat belavkirin, piştî dirûşmên li dijî kiryarên ewlekariyê û gendeliya ewlekariyê û aborî ya berbelav li navçeyê bi giştî.
Herwiha çalakvanên deverê tekez kirin ku xwenîşandan dê bimînin berdewam heta hemû milîs ji deverê derkevin, û rê bo xelkê bête dan ji bo avakirina rêveberiyên xwecihî yên rasteqîn, da ku ew bikaribin deverên xwe bi xwe birêve bibin.
Çalakvanan diyar kir ku tawanên şer li dijî şêniyên deverê ji aliyê milîsên “PYD” li dema dawiyê zêdetir bûne, û ev bûye sedem ku şêniyên deverê bi çend xwenîşandan rabin.
Hevbendiya Niştimanî ya hêzên şoreş û rikberiya Sûriyê da zanîn ku “tawanên şer” li deverê têne pêkanîn, û daxwaza darizandina kesên berpirsiyar kir.
Herwiha çend civîn bi karbidest û dîplomatên rojavayî re, li ser rewşa deverên rojhilata Firatê hatin lidarxistin der barê girîngiya dabînkirina aramiyê û jinabirina rêxistinên terorîst bi hemî terzên wê, û pêwîstiya kontrolkirina valahiyê bibe, û rê li ber milîsên “PYD” û berdewamiya bikaranîna terora wan li dijî welatiyên sivîl li deverê bête girtin.
Jêder: Ofîsa Ragihandina Hevbendiya Niştimanî ya Sûriyê
