Li bajar û paytextên seraserî cîhanê xwepêşandanên cemawerî derketin, ji bo piştgiriya Helebê li dijî tawankariyên rijêma Esed û hevalvendên wê Rûsiya û Îran, herwiha ji bo pirtistokirina bêdengiya civaka navdewletî û pûçbûna rêxistinên wê yên mafnasî û mirovî, û rexnekirina helwestên dewletên xwe li hember vê rewşa mirovî ya ku ji şerê cîhanê yê duwê ve wek wê nebûye .
Li Tirkiyê xwepêşandanek li pêşiya balyozxaneya Rûsiya li Enqera paytext hat lidarxistin, û xwepêşandanek din li pêşiya qonsilosa Rûsiya li Stembolê ya li “cada Istqlalê” derket, bi beşdarî û tevlîbûna revanda Sûrî û hejmarek ji rêxistinên civaka sivîl yên Tirkiyê.
Û xwepêşandanek li Parîsê, paytexta Firinsa, li pêşber wezareta navxweyî ya nêzîk ji seraya Alîzê, bi piştgiriya “Parta Keskan” û “Yekîtiya Sendîkeyî Ya Hevkar” derket, û têde xwepêşanderan “pîlanderiya” Amerîka û NY, û herwiha “bêdengiya civaka navdewletî li hember Helebê” şermezar kirin, û daxwaza bizavan ji hikûmeta Firinsa kirin ji bo rawestandina komelkujiyan û vekirina kirîdorên aram ji bo rizgarkirina xelkê rohilatê Helebê ji komelkujiyên li dijî wan dibin”.
Xwepêşanderan ragihandin ku ew ê çendîn xwepêşandanan di vê heftiya de li dar bixin, ku wê îro xwepêşandanek li pêşber balyozxaneya Rûsiya li Parîsê bête lidarxistin, û navê vê heftiyê kirin heftiya “Hêrsa Helebê”.
Û li paytexta Libnanê, bidehan xwepêşander derketin ji bo pirotistokirina komelkujiyên hovane, û çalakvan û siyasetmedara Rewta Paşerojê, Newal Elmidelî got: “Em li vir bi xwepêşandana xwe ya bêdeng mirina civaka navdewletî û NY radigehînin, ji ber ku ew ji erkên xwe yên mirovî didin paş”.
Hêjayê gotinê ye ku Hevbendiya Niştimanî ya hêzên şoreş û rikberiya Sûriyê, bangewazî li azadîxwazên cîhanê kiribû ji bo lidarxistina xwepêşandanan li pêşiya balyozxaneyên Rûsiya û Îranê û redkirina tawanên şer yên li Sûriyê dibin, û piştgiriya xelkê Heleb yên dorpêçkirî.
Û endamê desteya siyasî ya Hevbendiyê Yasir Elferhan, tekez kiribû ku tişta Rûsiya dike ji tawankariyan û peydakirina perdeya ji tawankariyên hêzên Esed û milîsên Îranê re, hîç dewleteka pêşketî di sedsaliya bîst û yekê de nake, lê reftarên wê heman reftarên mafiya û dewletên serdemên tariyê ne, û cext li ser giringiya yekgirtina raya giştî ya azadîxwazên cîhanê kiribû li hember van tawanên kirêt û rawestandina wan.
Herwiha endama Hevbendiyê Dîma Mûsa, tekez kiribû ku pêwîst e azadîxwazên cîhanê, di dema şikestin û bêkêriya Encûmena Asayîşê, alîkariya sivîlên Helebê bi rêka xwepêşandanan li pêşiya balyozxaneyan bikin, û fişaran bidin ser hikûmetan, da bilez bizavan bikin ji bo rawestandina van komelkujiyan, ku xelkê dorpêçkirî yên Helebê bi jin û zarok û keçan ve gef li wan tên xwarin ji aliyê Rûsiya û milîsan bi serjêkirinê û destdirêjiya sêksî.
Jêder: Wekslat+ Ragihandina Hevbendiya Niştimaniya Sûriyê