Wezêrên derve yên dewletên endam di Yekîtiya Ewropî de tekez kirin ko eger Esed bimîne an jî hemû armancên Miletê Sûriyê pêk neyên aştî li Sûriyê misoger nabe.
Ev di daxuyaniya ko doh wezîrên derve yên Yekîtiya Ewropî derxistiye hat, ya ko karê Ewropî ji bo şerê li dijî rêkxistina DAIŞ li Sûriya û Îraqê diyar kir.
Werzîrên Ewropî piştgiriya xwe ji bizavên Şandyarê navdewletî yê Netewên Yekbûyî ji bo dîtina çareseriyeke siyasî li Sûriyê dan xuyakirin û gotin: “gerek dest bi danûstandinin jidil bên kirin, da di destpêka Tebaxa dahatî de têkeve qonaxeke nû, û têde desteya desthilatdara veguhêz bi hemû karûbarên cîbicîkirinê damezirînin ” li gora daxuyaniyê.
Wezîran soz dan ko piştgiriya Opozisyona Sûrî ya netundrew û Desteya bala ya danûstandinan bikin. Her wiha destnîşan kirin ko gerek di danûstandinên cihê baweriyê û jidil berdewam bikin, ji bo dabînkirina serkeftina operasiyona Cinêvê li gora biryarên Netewên Yekbûyî.”
Nûnera bala ya ewlekarî û siyaseta derve ya Yekîtiya Ewropî Fîdîeîka Mogîrînî, tekez kir ko Ewropa ji bo Operasiyona veguhêz ya dirist û cedî ko guherîneke rastîn li Sûriyê çêbike kar dike. Û bal kêşand ser ko dewlet û dezgehên Yekîtiya Ewropî dest ji pabendiyên xwe yên bingehîn ji bo dabînkirina alîkariyên mirovî li Sûriyê bernade.
Serokê Hevbendiya Niştimanî ya Hêzên Şoreşê û Rikberiya Sûriyê Enes Elebde di hevdîtina Mogirînî doh li Biroksilê daxwaza parastina operasiyona siyasî kir, bi parastina peymana Rawestandina Kirdeyên Dijminkarî û gerek rola Yekîtiya Ewropî li Sûriyê giring û bingehîn be.
Elebde diyar kir ko Rêjîma Esed Sûriyê wêran dike û hewl dide ko agirbestê û Operasiyona siyasî jî têk bibe.
Jêder: Hevbendî+Acans