Yekîtiya Ewropî dilgiraniya xwe ji nûçeyên ko belav bûne der barê pêla Penaberbûna nû ji Sûriyê diyar dike, di çaxê ko êrîşên Rûsya li ser Herêmên di bin kontrola Opizisyonê de û bi taybetî li ser sivîlan zêde bûne.
“Xirîstos Stîlyanîdîs” berpirsê alîkariyên mirovî û birêvebirê qeyranan di Dezgeha Ewropî de di daxuyaniyekê de îro Şemiyê tekezî kir li ser rawestandina şer û vekirina dorpêçê ji ser Herêmên dorpêçkirî, û kar bibe ji bo dîtina çareseriyeke siyasî li Sûriyê.
Stîlyanîdîs doza “ hişmendiyê û parastina sivîlan û dana alîkariyên mirovî ji kesên hewcedar re di bin çavdêriya Rêkxistinên navdewletî de” kir.
Berpirsê Ewropî bêtir got ko li dora 15 hezar kes vê dawiyê ji herêmên xwe ji Helebê bakurê Sûriyê bi bal sînorê Tirkiyê ve ji encama şerê giran derbider bûne, û her weha li bajarê Deraa başûrê Sûriyê jî xelkin din derbider bûne.
û got: “Operasiyonên leşkerî karê hawarhatinê asteng dikin, hem jî gelek kesan ji piştgiriya bijîşkî û ya xwarinê li hindirê Sûriyê bêpar dikin”.
Her wiha Serokwezîrê Tirkiyê Ehmed Dawid Oxlo, di gotina xwe ya roja pêncşemê di kongirê bexşdanê ji bo Sûriyê yê ko li Londonê çê bû bal kêşand ser”10 000 Penaberên nû hene bi sedema êrîşên asmanî li ser Helebê li ber sînorê Tirkiyê, û ew li bendê ne ko derbasî Tirkiyê bibin, û ji 60 heta 70 hezar kesî ji kampên bakurê Helebê bibal xaka Tirkiyê de baz dane, her wiha 300 hezar kes ji Helebê bendewar in ji bo derbasî Tirkiyê bibin ”.
Jêder: Enadol
