Yekîtiya Zanayên Mislimanan, daxwaza bizaveke cemwerî û navdewletî ya “bilez” kir ji bo rawestandina yekser ji “qesabxaneya” li Helebê dibe, û roja îna tê wek roja piştgiriya Helebê ragihand.
Û Yekîtiyê “bêdengiya civaka navdewletî” li hember “tirajêdiya tirsinak” li Helebê, wek ku bi nav kir, şermezar kir, û daxwaz ji “deshilatdarên Ereb û milismanan” kir ku bi rijdî li hember vê destdirêjiya dijminkarî ya li dijî gelê Sûriyê yê Ereb û msliman dibe rawestin, “, û got ku ew ” hawarê” digihîne wijdanê mislimanan ku bê helwest nemînin”.
Herwiha got ku ew “bang li wijdanê Dewletên Hevkariya Îslamî û komkara Erebî dikin; ku bê helwest nebin li hember qirkirina xelkê Helebê”.
Û daxwaz ji “rêxistinên navdewletî kir ji bo bi erkê parastina sivîlan rabin, û beramber kuştina pêrewkirî bêdeng nemînin, û yasa mirovî ya navdewletî bikar bînin, der barê tawanên şer yên li Helebê dibin, bi destê rijêma Esed û dûvelan û hevalvendên wê “.
Û got ku ew “gazî rêxistinên mirovî yên hawarhatinê dikin, da bi erkên xwe rabin ji bo rizgarkirina xelkê Helebê yên sosret li wan bûne û koçber û mişext bûne”.
Û dubare kir ku ” Yekîtî bi hemû kes û Şêx û dezgeh û komeleyên xwe ve, alîkarî û hevkarî û hevxemiya xwe bi xelkê Helebê re radigihîne, û hêvî ji xwedayê mezin kir ku tola wan ji dijmin û pîlangeran bistîne”.
Jêder: Anadol + Nivîsîngeha Ragihandina Hevbendiya Niştimaniya Sûriyê
