Zankoya Harfard komek Belgehên Nehînî derxistin, tê de tekez dike ko Beşar Elesed DAIŞ bi hevkariya Iran çêkiriye.
Belgehên ko Rojnemevanê Elmanî “Krîstof Royter” bi dest xistine, diyar dikin ko Esed Efserekî Îraqî yê Ewlekariya Asmanî ya Îraqê bi Navê “Semîr Ebid Mihemed El-Xilfawî” erkdar kir ji bo damezirandina rêkxistina DAIŞa tirorist, dako ewlekariya Îraqê têk bibe û cengên mezhebî li rojhilata navîn gûr bike.
Belgahan diyar kir ko Elxilfawî ji aliyê Esed ve piştî Sala 2013an hate danîn, û di Sala 2014an li Til Rife’t Bakurê Helebê di Şerekî de bi Artêşa Sûriyê ya Azad re hat kuştin.
Belegehan diyar kir ko wezareta berevaniyê ya bi ser Rêjîma Esed ve, Şêxên Oldar yên sexte şandin gund û bajarên Sûriyê bi amanca malên olê vekin dako olê ji xelkên re rave bikin, ko ew sîska leşkerkirina xortan bû, û mejiyên wan bi ramanên xwe şûştin, da têkevin bin fermana wan de.
Belgehên ko Zankoyê bidest xistine, diyar dikin ku di destpêka hewldana serkutkitina şoreşa Sûriyê de, evan şêxên oldar yên çêkirî tundrewiya Sinî gûr kirin, û alên Cihadê hildan. Belgehan destnîşan kirin ku çawa miletê Sûrî matmayî dima ji pirbûna hejmara şervanên DAIŞê, û çawa bi azadî li gelek herêman kar dikirin, û ev zelal dike çima DAIŞ êrîşî hêzên Esed nedikir, di heman dema ku rêjîmê sivîl û şoreşger bombebaran dikirin .
Belgehan diyar kirin ko çawa malbatên Sûriyê yên dewlemend bûn armanc ji wan re, bi rêka ku DAIŞ ketin nav wan de, û sîxur di nav wan de çandin, di pey re gef li wan xwarin ko ewê wan aşkera bikin, di rêka wêneyine hezkirinê yên ji wan re girtibûn re. Bi evê yekê Rêkxistina DAIŞ çêbû û desthilata wê berfireh bû, hem jî destê xwe danîn ser gelek pereyan.
Di belgehan de hatiye ko Elxilfawî û serkirdeyên Rêkxistinê biryar dan ko Eebû Bekir Elbexdadî wekû Xelîfe deynin, ji ber karîzmaya wî ya xurt, û milet tevli xwe kirin, û ji endamên DAIŞê re jî dan xuyakirin ko ew bi piransîbên Olê pabend e.
Zankoyê di raporta xwe de bal kêşand ser ko piştî kuştina Elxilfawî hin ji tîmên DAIŞê li ber Esed rabûn bi taybetî piştî Mûsilê li bakurê îraqê kontrol kirin, û hest pê kirin ko nema hewcedarî rêjîma Esed in, şerekî giran û xwînrêj dijî ketîba 17an ya hêza Esed kirin, tev ko Rêjîmê Rêkxistin ji dorpêça Artêşa azad li bingeheke asmanî nêzîk Reqayê parastibûn.
Jêder: Qenala El-an
