Doh Înê 10 kes şehîd ketin û bi dehan birîndar bûne ji nav wan jî jin û zarok li herêma Wadî Bereda li gundewarê Şamê, bi sedema bombebaraneke tund ji hêla hêzên rêjîma Esed bi hemû cûreyên çekên giran û yên qedexeya navdewletî ko herêm û bargehên xizmetkariyan amanc kirine.
Çalakvanên herêmê gotin ko hêzên rêjîmê di herdu rojên derbasbûyî de, bombebarana xwe li ser Wadî Bereda bi sedên êrîşan zêdetir kirin, û bêtir ji nîvê wan bi bermîlên teqîner bûn, bargehên xizmetkariyan amanc kirine, û tekez kirin ko bombebaranê bargeha “Nebi Elfîcê” amanc kirye û bi tekûzî ji xizmetê derketiye, bêtir gotin ko fabrîkaya “Nebi Elfîcê” û Nivîsgeha Desteya Ragihandinê û Navendên Desteya Bijîşkî û Rêkxistina Berevaniya Sivîl piraniya wan ji xizmetê derketine û ziyan li wan çêbûne.
Herêma Wadî Bereda bêtir ji 150 hezar kesî û 14 gundan tê de hene, 11 ji wan bin kontrola Artêşa azad de ne, û hêzên Beşar tenê 3 gundan kontrol dikin. Herêma Wadî Berda ev pênc meh in ji hêla hêzên Esed û milîtanên berevaniya niştimanî û milîtanên bi ser Îranê ve dorpêç bûye û nahêlin alîkariyên pijîşkî û yên xwarinê derbas bibin.
Hêzên Esed çarşembê 9.11.2016 nehiştin karwanên alîkariyên Netewên Yekbûyî bi çavdêriya Heyva Sor û Xaça Sor ji bo herêma Wadî Berda ko 48 kamyon bûn wekû alîkarî ji Netewên yekbûyî nehiştin derbas bibin, xwarin û pêdiviyên werzê zivistanê bûn, û biyar dabûn ko ko di nîveka rojê de bigihên, lê hêzên Esed yên li ser rêbenda Elrimal ew rawestandin û nehiştin derbasî Wadî Bereda bibin, bi behaneya ko pêdiviya herêmê bi alîkariyan nîn e.
Çalakvanan doh ji herêma Wadî Berda tekez kirin ko kaniya Elfîcê ji xizmetê derket piştî ko bi bermîlên teqîner û mûşekên valahiyê û guleyên topêa giran atmanc bûn, û vê yekê hişt ko av bi mazot û zeyt û benzîn û kilorê gemar bibe, gava ko Pampa wê teqiya û heyberên hindirê pampê tev li avê bûn.
Destnîşan kirin ko bombebarana firokên cengê û yên perwane bêtir li ser Fîcê bûn, hem jî li ser gundê Besî, Kefer Elzêt, Dêr Meqrin, û diyar kirin ko ji ber bombebaranê Toreya telkefonên têlî li Wadî Bereda bi tekûzî hat birrîn, digel hewildanên hêzên Rêjîmê ji bo derbasbûna herêmê dikin.
Jêder: Hevbendî