Evro Komkujiyeke mezin li bajarê Cisir Elşixûr li gundewarê Idlib çêbû, di encamê de 15 kes şehîd ketin û bêtir ji 30ên din birîndar bûne, û ev jimarên destpêkî ne ji teqînên ku malên sivîlan li bajêr amanc kirine re, û tîmên berevaniya sivîl birîndar ber bi nexweşxanan ve birin û yên asê mane rizgar kirin û hêj li jêr wêraniyan li windayan digerin.
Li gundewarê Idlib duhî sêşembê şeş sivîl bi sedema bombebarana rêjîmê şehîd ketine, pênc ji wan bi bombebarana mûşekan li bajar Xan Şêxûn, û şehîdek bi sedema topbarana li ser gundê Elhemboşiyê, her weha bajarok û gundên din li parêzgehê ketine ber bombebaranê lê çi nûçeyên ketina qurbaniyan nîn in.
Çalakvanên xwecihî gotin ku sivîlên şehîd ketine hemû zarok û jin in, ko di bombebarana hêzên rêjîmê yên li gundê Kabariyê bi cih dibûn jiyana xwe jidest dane.
Berevaniya Sivîl di daxuyaniya xwe de anî ziman ko bi bêtir ji 20 mûşekan gundê Elhenboşiyê li rojavayê Idlib û kampa Endirûn û dibistan hatine amanckirin, û ziyan gihaye otombîlên taybet û çadirên derbideran.
Bombebarana hêzên rêjîmê ya roja sêşembê li ser gund û bajarokên parêzgehê hişt ko fermanberiya perwerdeyê ya Idlib evro çarşembê dibistanan rawestînin, bi sedema ko herêm ji hêla hêzên rêjîmê ve tête amanckirin.
Fermanberiyê diyar kir ko rawestandina dibistanan evro bo : Xan Şêxûn başûrê Idlib, Seraqib rojelatê wê, hem jî gund û bajarokên bombebaran gihaye wan.
Gund û bajarokên Idlib dikevin ber topbaran û mûşekan ya berdewam ji hêla hêzên rêjîmê û Rûsya, di encamê de birîndar û kuştî dikevin, tev ko herêm di peymana Rûsya û Tirkî de ye, ya têde hatiye ku divê bobebaran raweste.
Jêder: Ofêsa Ragehandinê ya Hevbendiya Niştimanî