Balefirên Esed yên cengê Gundewarê Hema bi sarûx û bermîlên teqîner armanc kirin, balefirên Esed 15 bermîlên teqîner bi ser bajarên ” El- Letamine” û ” Kefer Zêta” de, du bermîl bi ser gundên ” Zekat ” û ” El – şerike”, û çarên dî bi ser erdên çandiniyê ê bajarê “Morik” de avêtin.
Herweha balefirên rejîma Esed êrîş birin ser bajarên ” Kefer Zêta ” ,” El- Letamine “. û devera “El – Delak”, û El- Letamine ji hêla hêzên rejîmê ku li nêz rêbendên ” Zilîn” û ” El – Mesasinê” civiyane ket ber bumbebaranekê de.
Ji hêleke dî ve hêzên Esed duh ji wargehên xwe li gundê ” Mişêrfê” zeviyên bajarê “Telbîsê” li gundewarê Humsê dan ber bumbeyên hawanê, û balefirên cengê pênc êrîş bi ser gundên ” Izeddîn” û ” Um şerşûh” de birin.
Xetîb Bedlê Endamê Detseya Siyasî di Hevbendiya Niştimanî de Beşarê Esed piştî daxuyaniyên ji toreya BBC re bi ” Virek û Xapîner” binav kiribû, ji ber ku wî bikaranîna Xaza Kilor û bermîlên teqîner dijî sivîlan dabû mendelê, û gotibû hêzên min sivîl dorpêç û birçî nekirine.
Bedle got: ” Ev tawan li pêş cîhanê û Civaka Navdewletî bi wêne û vîdyo belgekirî ne, ji bilî raporên Netewên Yekbûyî û rêxistinên mafnasî”. Bedle rapora Komîta şopandina Rastiyan ku pisporên bikaranîna çekên kimawî li Sûrî ne, destnîşan kir, raporê pirsyariya avêtina bermîlên teqîner ku Xaza Kilor di wan de ye bi ser sê gundên Bakurî Helebê, xist stuyê rejîma Esed.
Herweha Toreya Sûrî a Mafê Mirovan avêtina balefirên cengê ê rejîma Esed ji 5150 bermîlên teqîner re ji meha Rêbendan sala 2012an ta 20 Sibata 2015an belge kir, ku di encama wê de bi kêmanî 12 Hezar şehîd ketine, nîvê wan ji jin û zaroka in.
Ev serjimêrî ji derçûna biryara Encumena Ewlehiyê nemre 2139 di sala 2014an de ye, ku tê de Encumena Ewlehiyê tê de bikaranîna rejîma Esed ji bermîlên teqîner re şermezar kir, û xwest ku avêtina bermîlên çewt ên ku rihê bêguneh û bêriyan diçine raweste. Jêder: Hevbendî
