Di 24 demjimêrên bûrî de ji encama bombebarankirina gundewarên Idlib û Himusê ji aliyê firokên şer û hilîkopterên hêzên esed, 28 kes şehîd ketin. Ku firokên Esed beyaniya îro, taxên nişteciyan li bajarê Xan Elsebîl li Idlibê bombebaran kirin, û bû sedema şehîdbûna 8 kesan ku 2 zarok û 4 jin di nav wan de hebûn, tevî birîndarbûna bi dehan kesên din, di amareke destpêkî de, herwiha bi firokên şer, bajarokê Sincar li rojhilatê Idlibê hat bombebarankirin bê çêbûna ziyanan.
Herwiha doh bişev navçeya Elhola li gundewarê Himusê bi hilîkopteran û bermîlên teqîner û mûşekên deng hat armanckirin, herwiha heryek ji bajarokên “Tildew û Tilzeheb û Kefirlaha” rastî êrîşan hatin û di encamê de nekêmtir ji 13 kesan şehîd ketin û bidehan birîndar bûn, ku pizîşkan ji neçarî dest û piyên sê zarokên birîndar birîn, û yên din hatin veguhestin bo nexweşxaneyeke meydanî li Restenê, ji ber birînên wan yên giran û lawaziya nexweşxaneya Elhola ya meydanî, û nebûna karmend û alavên pêwîst.
Û navçe her ji beyaniya îro ve rastî êrîşên berdewam dibe, û bajarokên navçeyê bi çendîn bermîlên ji hilîkopteran hatine bombebarankirin, û xelk neçar bûn ku nimêja înê ji ber tirsa bombebarankirinê nekin.
Herwiha duhî bajarê Resten li gundewarê Himusê bi 3 êrîşên esmanî bi firokên şer hat armanckirin, ku bûn egerê şehîdbûna pênc kesan, sê ji wan zarok bûn, û birîndarbûna 15 kesên din ku birînên piraniya wan giran in, herwiha hêzên Esed roja çarşembê di neh êrîşan de kuştarek pêkanîn û têde 13 kes şehîd ketin, piraniya wan zarok bûn.
Hêjayî gotinê ye ku roja sêşembê girûpa piştgiriya navdewletî, bê destnîşankirina dema berdewamkirina danustandinên Jinêv civîna xwe li Viyêna bidawî kir, ew danustandinên hatine rawestandin ji ber helawîsîna desteya bilind ya danustandinan ji pişkdariya xwe re di danustandinan de, wek redkirina binpêkirinên rêjîma Esed ji xalên rêkeftina rawestandina karên dijminkariyê re, û aliyên pişkdar di Jivînê de soza hewldanê ji bona nujenkirina rêkeftina navhatî dan.
Di dawiya gotubêjên Viyêna de û di kongirekî rojnamevanî de, wezîrê derve yê Amerîka Con Kêrî got ku aliyên amade, li ser sepandina sizayan li ser her aliyekî diyar bibe ku ew alî li dijî gihiştina çareseriyek siyasî kar dike li hev kirin.
Jêder: Hevbendî + Wekalat