Hin çalakvanên xwecihî kuştina 350 kesên sivîl li tevaya parêzgeha Dêra Zorê ya rojhilatî Sûriyê di heyva cotmehê de belge kirine, û piraniya wan qurbaniyan jin û zarok in.
Û çalakvanekî ji “Tora Dêrelzor24” ji ajansa Smar re doh çarşembê ragihand ku 442 sivîl ji encama topbarana balafirên cengê yên hêzên Beşar Esed û hevalbenda wî Rûsiya hatine kuştin, û şeşên din bi bombebarana Hevbendiya Navdewletî, û 55 kes jî DAIŞê ew bi tohmetên corbecor bi dar ve kirine, Her weha 12sivîlên din bi guleyên milîsên QSD jiyana xwe ji dest dane.
Û ji encama şer û pevçûnan di nav hêzên rêjîmê û rêxistina DAIŞê de li rojavayê Feratê, her weha yên di nav DAIŞ û hêzên QSD de li rojhelatî feratê, bi sedan kes hatine kuştin birîndar bûne, û nêzî 400hezar sivîlî derbeder bûne, ji ber bombebarana asîmanî ya Rûsiya û Rêjîmê, yên ku rêbuhêrkên li ser çem û komên xaniyên nişteciyan topbaran dikirin, di heman dema ku desteyên sivîl û çalakvanan banawazî didan ji bo vekirina rêyên hêmin ji bo derxistina sivîlan.
Û hevbendiya Niştimanî daxwaz ji encumana ewlekarî ya navdewletî û şandyarê wê yê taybet ji bo Sûriyê Stîvan Demestora kir, da karûbarê tên xwestin bikin ji bo rawstandina van tawanan û rizgarkirina sivîlan, û radestkirina kesên bi wan tewanan rabûne bo dadgehkirinê, û yekirina karînan ji bo şerê dijî terorê û nehêlana hokar û jêderên wê û peyketina wan aliyên pîlan jê re danîne û alîkarî pêre kirine ji bo berbelavbûna wê.
Jêder: Ofîsa Ragihandinê ya Hevbendiya Niştimanî ya Sûrî /Smart
