Hêzên Kurdî li Kobanê nêzî 45 gundên Kobanê piştî şerekî giran li dijî DAIŞê rizgar kirin, û şer dûrî bajêr bi 12 KM berdewam e.
Jêderekê ji pêşmergeyên ku li Kobanê dimînin nexwest navê wî bê eşkerekirin ji me re tekez kir Ku Hêzên Kurdî nekêmtir ji 45 gundan li derdora bajarê Kobanê ta niha rêzgar kirine, û çekdarên DAIŞê bi paşde vedikişin, û hêzên şervan rojbiroj pêşdetir diçin.
Her wiha Jêderê eşkere kir ku hêzên pêşmerge û YPG û Artêşa Azad berdewam in di şerê li dijî DAIŞ’ê li gundên Kobanê, û piştevaniya oprasyonên asîmanî yên Hevpeymaniya Navdewletî alîkariyek baş bi hêzên li ser xakê re dike.
Tê zanîn ku tevlî ragihandina rizgarkirina bajarê Kobanê di 26 heyva bûrî de, lê ta niha tu penaber venegeriyane bajêr.
Jêder: Hevbendî
