Di daxuyaniyekê ji Alayên Leşkerî yên Sûrî derbarê destwerdana leşkerî ya Rûsî de hat : “Cenga me ya dahatî Cenga rizgarkirina xaka me ji dagîrkerên Îran û Rûsyayê ye ” û doz li hemî Alayên Leşkerî kir ko Gotin û rêzên xwe bikin yek û nakokiyên xwe li paş xwe bihêlin û berê xwe bidin armanca rizgarkirina xakê û parastina nasnameya gelê Sûrî.
Alayên leşkerî dibînin ko êrîşên leşkerî yên Rûsyayê li ser Sûriyê dagîrkirina welat e, tev ko hinek alî dibêjin Rêjîmê bi fermî ji wan xwestiye ku derbasî Sûriyê bibin, lê kesekî bêrewa nikare rewayê bide kesekî din, ji ber gava hat diyarkirin ko wê Esed têk biçe, Rûsya hat bi hawara wî ve ji bo ko neyê rûxandin.
Daxuyaniyê diyar kir ku Rêjîma Esed bûye Rêjîmeke Faşî û noker piştî ko hêzên dagîrker dubare anîn Sûriyê, û hişyarî da tevaya aliyên din ko nebin şirîk di dagîrkirina Sûriyê û xistina wê di bin destê Îran û Rûsiyayê de, piştî ko Esed îran û Rûsiya bi xwe şemitandin rijandina xwîna Sûriyan. Ji ber ku ewê berpirsiyariyeke dîrokî hilgirin, miletê Sûrî tu caran kujer û dagîrkerên xwe jibîr nake.
Daxuyaniyê diyar kir ko dagîrkirina Rûsiya di kêlîkeke siyasî hestiyar ji temenê Şoreşê de hat. Bi armanca ku wek lîstikvanekî sereke di operasiyona siyasî li Sûriyê xwe feriz bike, û berjewendiyên xwe pê biparêze, lê ev kar wê tundî û tiroristiyê zêde bike.
Alayên leşkerî di daxuyaniya xwe de destnîşan kirin, ev qunaxa nû li ser dewletên herêmê bi giştî û hevalbendan bi ybetî ferz dike,ku bilez hevpeymaneke herêmî li dijî Rûsiya û Îranê yên dagîrkerên Sûriyê çêbikin, ji ber ku bendiya Rûsiya –Îran dijî wan e jî, û bihêlin dawiya wan li Sûriyê be.
Alayên Leşkerî tekez kirin ko ew bi armancên Şoreşa Sûriyê pabnd in. û çi hêz xaka Sûriyê dagîr bike ew dibe armanceke rewa ji wan re û gotin ko ev dagîrkarî rê li ber çareseriya siyasî girt. Her weha ew bi yekgirtina xaka Sûriyê pabend in û çi pirojeyê dabeşkirina xaka Sûriyê feriz bike ji aliyê Rêjîmê û serperiştên wê ve red dikin.
Daxuyaniyê bal kêşand ser kuştara ji aliyê firokên Rûsî li Gundewarê Hums û Hemayê ya ko nêzîk 50 şehîdî ji sivîlan bûn qurbanî, wek yekem tawankariya cengê ya Rûsiya li Sûriyê pêk anî. Çimkî cihên sivîlan yên ku firokên Rûsiya ew armanc kirin, tu hêzên Daiş ne ji nêzîk û ne ji dûr ve li wir nîn in. ew bombebarana asmanî ji herêmên sivîlan re li pêş dîtin û guhdarîkirina cîhanê û bêdengiya wan derewên Rûsiya tekez dike, ko tu cenga wê li ser Tiroristiyê li Sûriyê nîn e.
Tekez kir ko amanckirina sivîlan ya bi awayekî rasterast siyaseta xaka sotandî ya ko Rûsya di cengên xwe yên berê de pêk aniye tîne bîra mirov, û baweriya mirov bicih dike ko ewê di siyaseta xwe ya hovane de berdewam be.
Emîndarê Hevbendiya Niştimanî Sûrî Mihemed Yihya Meketebî tekez kir ko Şoreşa Sûriyê ji Şoreşekê li dijî rêjîmê bûye Şoreşeke rizgarkirina xakê ji dest dagîrkerên Rûsya û Îranê.
Û got: Îro Miletê Sûrî beraberiya dagîrkirin û tiroristiyeke corbecor dikin. Ji dagîrkirina Îranê heta tiroristiya çeteyan wek çeteyên Hizbullah û Daiş û Fatimiyan û nandozên din..
Mektebî got ev berpirsiyariyeke mezin e li ser milê çi Sûrî yê azad li kîjan cihî be ko beraberiya dagîrkirinê heta bi tiroristiya navdewletî bike, Di heman çax de navtêdana “ zilamên Şoreşa Sûriyê kir yên ko li dijî dijminan dirawestin.” Û got “tev ko çek kêm û ne pêşketî ne ji ber ko dewletên cîhanê ew qedexe kirin, lê belê baweriya ko Şoreşger hildigirin li ser xalkê bê hempa ye. Û ew dihêle ku ew bihêz û xweragirtî bimînin heta ko Sûriyê rizgar bikin.”
Jêder: Hevbendî
