Bi sedema êrîşên Rûsî û topbarana hêzên Rêjîmê li derdora dibistaneke seretayî di dema derketina zarokan li bajarê Dûma li gundewarê Şamê, 9 kes şehîd ketin, zarok jî di nav wan de hene, û bi dehan kes birîndar bûn. Û ev bûyer piştî çend demjimêran bû ji şehîdbûna 26 kesan ji encama bombebarankirina komek ji dibistanên bajarokê Has li gundewarê Idlibê.
Û Rêkxistina Netewên yekbûyî ya zarokan (Unicef), kuştarên ko firokên cengê yên Rûsî û rêjîma Esed li dibistanan pêk anîne pirotesto kirin. Û got “dibe ku tawankariya cengê be ”, Birêveberê giştî yê Unicef, Entonî Layik got: “dibe ku ev êrîş ya herî xwînî be li dijî dibistanan ji destpêka cenga li Sûriyê ve” û got: “bobelat e, hetîketî ye, û eger tekez bû ko bi mebest e, tawankariya cengê ye”.
Çalakvanan anîn ziman ko bombebaranê taxên niştecihan jî li Dûma amanc kirin. Û destnîşan kirin ko bombebaranê avanî û malên xelkê wêran kirin, û tîma berevaniya sivîl bilez di nav êrîş û bombebarana ser bajar birîndar rakirin.
Hevbendiya Niştimanî ya hêzên şoreşê û rikberiya Sûriyê got ku hewldanên rêjîmê û Rûsya yên amanckirina navendên xizmetan bi şêweyekî rêbazkirî û bi mebest, tekez dike ko hewildan dibin ko bêtirîn kuştin bibe, bi amanca lawazkirina şoreşgeran da wan mecbûr bikin ko lihevkirinên jiderveyî operasiyona siyasî bipejirînin.
Jêder: Hevbendî+Acans