Hêzên Esed û yên dagîrkariya Rûsiya, her ji heftiya bûrî ve, bi rêka oparesyonên dijwar, êrîşên xwe li ser taxên Helebê pir dikin, bi armanckirina navçeyên nişteciyan û jêrxana bingehîn ya xizmetgozariyê.
Ku di heyamê heft rojên bûrî de, û ji encamê bombebarankirina Helebê û gundewarê wê ji firokên Esed û Rûsiya, 412 kes hatine şehîdkirin, ligor serjimêriyekê ku ji aliyê Nivîsîngeha Ragihandina Hevbendiya Niştimanî ya hêzên şoreş û rikberiya Sûriyê hatiye amadekirin, û têde tawanên rijêma Esed û Rûsiya yên di vê oparesyona dawiyê de hatine belgekirin, ku amara serjimêriyê bal kişandiye ku zêdetir ji 30 komelkujiyan hatine pêkanîn jî aliyê firokên Rûsiya û Rijêmê li taxên Helebê yên dorpêçkirî ku bêhtir ji 300 hezar kesî têde dijîn, û herwiha zêdetir ji 12 komelkujiyan li gundewarê Helebê ku bûne sedema kuştina bidehên sivîlan.
Û hin çalakvanan gotin ku duhî roja duşemê bi dehan birîndar û 38 kes şehîd ketin, bi sedema êrîşên firokên Rûsiya û Esed li ser tax û gundewarê Helebê, û diyar kirin ku komelkujî li taxên Elmihadî û Elsikerî û Elşe’ar û Ferdos û Cisr Elhec û taxa Eksaxûr ketin, tevî yê li taxa Kerm Elnizha û taxa Elensarî yên li rojhilat.
Li gor wê amarê, bi kêmyayî du caran gaza kilorê di êrîşên firokên Rijêmê de li ser taxên Helebê yên dorpêçkirî hatiye bikaranîn, ku ew êrîş ligor şahidhalan û bergiriya sivîl ya li navçeyê, bûn sedema bihnçikandina bi dehên kesan, û herwiha sivîl bi bermîlên teqîner ji aliyê hilîkopter û firokên Rijêmê yên şer hatin bombebarankirin, û çekên qedexekirî ji aliyên firokên Rûsiya hatin bikaranîn, ku navçeyên sivîlan bi bombeyên weşî û mûşekên deng hatin bombebarankirin.
Amara nivîsîngehê bal kişand ku 8 nexweşxane di heyamê heft rojên bûrî de ji kar ketin, 4 ji wan di nav bajêr de û 4 li gundewarê wî bûn, û 3 nexweşxane di heyamê 24 demjimêran de ji kar ketin, û têzanîn ku rêveberiya saxlemiya Helebê berî du rojan jikarketina sercem nexweşxaneyan di hindur taxên dorpêçkirî de ragihandibû, û di daxuyaniyê de gotibû ku ew êdî nikare bi dabînkirina xizmetkariyên pêwîst bo sivîlên dorpêçkirî rabe.
Jêder: Nivîsîngeha Ragihandina Hevbendiya Niştimaniya Sûriyê
