Îro roja înê 30/10/2015 an li bajarê Amûdê bi amadebûna hejmarek baş ji helbestvan û nûnerên çalakiyên rewşenbîrî û dezgehên ragihandinê 20emîn Mihrecana helbesta Kurdî hat lidarxistin, di destpêkê de gotara komîta Amadekar ji aliyê hebestvan Îmad Yosif hat pêşkêşkirin û têde tekezî kir ku lidarxistana mihercananê pêwîstiyeke bo civandin û pevgihandina helbestvanên kurd.
Paşî hejmareke baş ji helbestvanan helbestên xwe pêşkêş kirin, piraniya helbestan bal dikişandin li ser rewşa gelê kurd bi taybetî û rewşa Sûriyê bigiştî.
Balkêş bû ku mirhecana îsal pişkdariya hin navçeyan ne wek dihat xwestin xuya bû mîna Kobanê û Afrînê bi sedema nexweşiya rewşa wan herêman û zehmetiya çûn û hatinê.
Berî dumahiya mehrecanê Helbestvan Salihê Heydo ji aliyê komîteya Adamedkar hat xelat kirin, li ser bizava wî ya berdewam di warên nivîsandinê di biwarên helbest û filklor û çanda kurdî de.
Hêjayî gotinê ye ku yekemîn mihrecana helbest kurdî di sala 1993an li Kelha Nebî Horî li Efrînê bi helkefta roja koçadawîkirina helbestvanê mezin Cegerxwîn di 22/10/1984an hatibû lidarxistin, û serkarên mirecanê berdewamî dan lidarxistina helkeftê tevlî hemî astengiyên desthilata diktator jê re derdixistin û ev roj wek roja helbesta kurdî li Sûriyê hat binavkirin,.
Jêder: Hevbendî
