Artêşa Azad li Der’a dest danî ser Lîwayê 82an yê nêzî bajarê Şêx Miskîn piştî ko “Artêşa Yekem” Cenga “Gorî te me Pêximberê Xwedê”destpê kir, da Lîwayê 82an têxe bin kontrola xwe piştî sê mehan ji dorpêçkirinê.
Di encama Şerî de Serpereştê Operasiyona Rêjîma Esed li Şêx Miskîn Emîd Rukunê tawankar “Mehmûd Elî” yê bi naznavê Ebû El’ebas, digel çend Efseran û Rêzefser û bi dehan leşker hatin kuştin. Efserek jî bi pileya Eqîd dikir ji meydana şer bireve hate dîl kirin.
Herweha Artêşa Azad Emîd Rukunê tawankar “Ehmed Hemîdoş” Serpereştê Lîwayê 82an yê Berevaniya Asmanî yê Alaya 24an dîl kir. Dîdevanan ji bajarê Izre’ û Senemên bi çavê xwe dîtine ko bi dehan kelaxên Hêzên Esed û bi dehan Birîndar bi turumbêlên lezgîn ew gihandine Nexweşxana Senemên ya Leşkerî .
Ev Lîwayê ha di Hêza Esed de giringtirîn Lîwayê Berevaniya Asmanî ye, û rasterast bi Rêveberiya Berevaniya Asmanî ve girêdayî ye. Û bi destdanîna ser bajarê Şêx Miskîn, Şoreşger nêzîkî bajarê Izre’ dibin ya ko çepera berevaniya dawî ye li bal Hêzên Rêjîmê ji aliyê Paytexê ve.
Serpereştê “Artêşa Yekem” Eqîd “Sabir Sefer” di daxuyaniya îro de got armanc ji evan Operasiyonan birrîna Rêya Otostrada Şamê ya Navdewletî ji ser Hêzên Esed û nehêlana gihaştina heyberên leşkerî bo bajarê Şêx Miskîn da Hêzên Esed bêne dorpêçkirin û Hêzên Esed û bargehên wî li bajarê Senemên bêne dorpêç kirin. Tekez kir ko Artêşa Azad ji aliyê Çek û Alavan ve amade ye.
Jêder: Hevbendî +Simart
