Artêşa Azad li Horanê kuştina 50 serbazan ji hêzên Esed û mîlîşên tayifeperist û di nav wan de fermandarê Tilqerîn ragihand, û tevî têkbirina 3 tank û 5 zerîpoş û 3 reşaşeyan li eniya Tilqerîn û siriya Îyûn El’eleq.
Ev yek hat di cenga ” Heger Hûn Vegerin Em Jî dê Vegerin” de, ya ku di 16 reşemehê de destpê kiriye, ji bo rizgarkirina çend pêgehan ji dest hêzên Esed li navçeya Sêgoşeya Mirinê ya di navbera parêzgeha Der’a û Qonêtira û gundewarê Şamê de.
Ku xuyatirîn tabûrên beşdar di vê cengê de ev bûn: Tabûra Seyf Elşam, Artêşa Yermûk, Tabûrên Elfurqan, Eniya Şoreşgerên Sûriyê, Artêşa Ebabîl, tevî hin tabûrên din.
Tê zanîn ku artêşa azad biser ket di rawestandina êrîşa li ser Sêgoşeya Mirinê û Qonêtira ya ku ji çend rojan ve ji aliyê hêzên Esed û mîlîşên tayifeperist ve tê encamdan, di bin peredeya êrîşên firokên Rûsiya de, herwiha artêşa azad rê li pêşiya mîlîşên Îranê girt ber bi Minşiya Der’a ve.
Herwiha artêşa azad yekemîn hêla bergiriyê di Sêgoşeya Mirinê de têkşikand, piştî bi destxistina destpêşxeriya êrîşkirinê li ser pêgehên Huzibulaha terorîst û mîlîşên tayifeperist, nemaze piştî eşkerekirin û êrîşkirina riyên gihandina alîkariyê ji bo wan, da dubare rê li pêşiya pêşketina wan bigirin.
Navçeya Sêgoşeya Mirinê ya başûr di navbera gundewarên Der’a û Qonêtira û rojavayê Şamê de, tê pejirandin wek navçeyek strastîjîk ya giring, û têde zincîrek ji şer û pevçûnan qewimîn ku dawîtirîn ceng lê hat kirin cenga “Riya Ber Bi Şamê” bû, ya ku ji aliyê şoreşgeran ve di çêriya pêşîn a bûrî de hatibû ragihandin, û Sêgoşeya Mirinê dibe riya şoreşê ber bi şikandina dorpêçkirina li ser Xûta rojavyê Şamê û li ser bajarê Me’idemiyê.
Jêder: Hevbendî
