Artêşa Sûrî Ya Azad, nêzî kontrolkirina bajarê Babê bûye, mezintirîn wargeha Daiş li gundewarê Helebê yê bakur, piştî ko gundên li derdora bajêr kontrol kirine.
Çalakvanên herêmê anîn ziman ko şoreşger 2 kîlometiran ji bajarê Babê dûr in, piştî ko gundên: “Qedîran, Soysan, Eldana, Olan û Cebel Eldêr û Qibet Elşîh” kontrol kirine, û bi vê yekê şoreşgeran rûberê 2500 km2 li bakurê Sûriyê kontrol kirine.
Ev tê di operasiyona “Mertala Ferat” de, ya ko ji hêla artêşa Tirkiyê ve piştgirtî ye, ya ko avakirina herêmeke aram li bakurê Sûriyê ji bo parastina sivîlan ji bombebarana rêjîma Esed û Rûsya amanc dike.
Artêşa Azad ji 24ê tebaxa derbasbûyî de bi operasiyoneke leşkerî rabûye tako bera rêkxistina Daişê ji gundewarê Helebê bide bi piştgiriya Artêşa Tirkiyê, û bajarê Cerabilis kontrol kiriye û ew gihand herêmên di kontrola xwe de li de gundê Elra’î, û piştî wê hinohino pêve çû bi amanca ko bigihê bajarê Babê.
Hêzên çekdar yên Tirkiyê di daxuyaniya xwe de îro duşembê ragehandin ko firokên cengê yên Tirkiyê 15 deverên Daişê doh li Babê bombebaran kirine, û cîgehên wan yên berevaniyê û navendên Serpereştiyê û depoyeke çekan wêran kirine.
Berdevkê desthilata Tirkiyê Numan Qortolimoş îro got ko hêzên asmanî yên Tirkiyê piştgiriya operasiyona“Mertala Ferat” dike, bi amanca herêmê pak bike û herêmeke aram pêk bîne.
Bajarê Bab dûrî sînorê Tirkiyê 30 km e, li dora 200 hezar kesî tê de hene, û di 14ê çileyê paşî sala 2014an Daiş kontrol kiriye, û ev kar giring e ji ber rê li ber milîtanên PYD digre ji bo herêma xwe li bakurê Sûriyê firehtir nekin.
Artêşa Azad bizavê dike ko bigehê bajarê Minbicê yê di bin kontrola PYD de , ta ko wan milîtanan dûr bixe heta bi pişt çemê Ferat.
Hevbendiya Niştimanî dibîne ko avakirina herêmeke aram li bakurê Sûriyê giringiyek e ji bo sivîl ji wê bombebarana rêbazkirî ya ko rêjîma Esed û Rûsya dikin bêne parastin.
Jêder: Nivîsgeha Ragihadinê ya Hevbendiya Niştimanî Sûrî
