Piştî sê heyvan ji destpêkirina oparesyona “Mertala Firatê” niha bajarê Babê yê syratîjîk ji aliyê tabûrên artêşa Azad hatiye dorpêçkirin û amadekarî û berhevî dibin ji bo kontrolkirin û rizgarkirina ji dest rêxistina DAIŞê ya terorîst.
Û hêzên şoreşê, duhî roja sêşemê û piştî şer û pevçûnên li dijî çekdarên DAIŞê, karîn gundê Qebasîn li bakurê Helebê kontrol bikin, hevdem ligel berdewamiya şer û pevçûnan di navbera hêzên şoreşê û milîsên “PYD” de li gundê Cibeldem li nêzîk bajarê Babê.
Û ligor daxuyaniya serokatiya fermandariya Tirkiyê, ku hêzên artêşa Azad û piştî 92 rojan ji destpêkirina oparesyona Mertalê Feratê niha amadekariyên xwe berdewam dikin ji bo dorpêçdana Babê ji aliyê bakur û rojava ve, û daxuyaniyê got ku 93 pêgehên rêxistina DAIŞ ya terorîst di navçeyê de ji aliyê yekîneyên artêşa Tirkiyê hatin armanckirin, ku bûn egerê têkbirina çek û cebelxane û asêgeh û çeper û navendên fermandariya DAIŞê.
Û bajarê Babê bi dûrahiya 30 km ji sînorê Tirkiyê dûr e û derdora 200 hezar kesî têde dijîn, û ji 14 rêbendana 2014 an ve ji aliyê rêxistina terorîst ya DAIŞ hatibû kontrolkirin, û giringiya wê tê ji ber ku rê li pêş milîsên PYDê digire, ji bo zalgeha xwe li ser bakurê Sûriyê fireh neke.
Û rojnameya Akşam ya Tirkî got ku serokkomarê Tirkiyê Receb Teyeb Erdogan tekez kiribû ku artêşa Azad wê ber bi bajarê Minbicê yê derdora Helebê biçe, bi sedema hebûna rêxistina PYD ê ya terorîst, û diyar kiribû ku niha Bab dorpêçkirî ye, û bal kişandibû ser ku şerê welatê wî ji bo jinavbirina terorê sînoran nas nake, û cext li ser giringiya vekişandina rêxistina PYDê ji tevaya bajarê Minbicê kir.
Hêjayê gotinê ye ku hêzên Artêşa Azad bêhtir ji 215 gundan bi piştgiriya artêşa Tirkiyê her ji destpêkirina oparesyona Mertala Feratê di 24 tebaxê de, ji dest rêxistina DAIŞ a terorîst rizgar kirine.
Jêder: Nivîsîngeha Ragihandina Hevbendiya Niştimaniya Sûriyê
