Duhî artêşa Efetih bajarokê Elziyare û rêbenda Eltenmiyê û gundên TilWasit û Elmensûra û Xirbet Elnaqos li deşta Xabê li gindewarê Hemayê kontol kirin, di encama şer û pevçûnan de zêdetir ji 160 şebîheyên Esed û çeteyên hevalbend ji 3 rojan û heta niha hatine kuştin, û yên din revîn ber bi serbazgeha Corîn.
Li aliyekî din şoreşgerên Zebedanê karîn kiryareka nimûneyî pêk bînin li dijî mêlîşeyên dagîrker yên Hizibulaha terorîst û li dijî hêzên Esed ku têde 20 tawanbar hatin kuştin, hevdem ku hêjî hilmeta terorîstkar ya rêjîma Esed û çeteyên tayîfegerî li bajarê Zebedanê bêhtir ji du heyvan didomîne, ku bajar rojane bi sedên narincok û bermîl û rokêt û hawanan tête bombebaran kirin.
Herwiha artêşa Elfetih şerek li dijî herdu serbazgehên Kefriya û Elfo’a li gundewarê Idlibê ragihand bi armanca sivikirina dorpêcê li ser şorşgerên Zebedanê, ku bi vê yekê artêşa Elfetih serekeftinek li ser qadê bidest xist, û li aliyekî din ku tevgera azadîxwazên Şamê tunêlek li bin pêgehên şebîheyên Esed li serbazgeha Elfo’a teqandin ku têde bidehan hatin kuştin û birîndar kirin, tevlî teqandina otombêleka mînrêjkirî li Dêr Elzeb ya nêzîk ji heman serbazgehê.
Di demekê pêş de şoreşgerên bajarê Dareya li gundewarê Şamê cenga “guriya Dareya” ragihandin, ku şoreşger têde gelek pêgehên stratîjîk kontrol dikin yên yekser li raser Firokxaneya Elmeze ya serbazî” û bêhtir ji 70 serbazên Esed kuştin û di nav wan de efser jî hene, û gelek birîndar kirine û hin jî dîl girtine ku piraniya wan ji paswanê komarî ne û ji Firqa çara ne, tevlî bidestxistina gelek çek û çibxane.
Hêjayî gotinê yte ku berdevkê Hevbendiya Niştimanî Salim Elmislit daxwaza pirçekirina artêşa azad bi çekên cureyî kiribû û rêdan bo gihiştina van çekan bo şoreşgeran, bê dîtina behane û danîna kosp û astengiyan li jêr navê cudakirina şoreşgeran di navbera şorşgerên miyanrê û yên tundrew, ku şoreşger û artêşa Azad di şerê dijî terorê dene bi hemû reng û pergalên terorê ku destpê dike ji rêjîma Esed û mêlîşeya Hizibulaha terorîst û mêlîşeyên milperist heta bigêheje rêxistina DAÎŞ ya terorîst. Jêder:Hevbendî
