Berevaniya Sivîl li Idlibê evro şemiyê serjimarek derxistiye tê de hejmara qurbaniyên sivîl û cihên amanckirî herweha operasiyonên armanckirina bimebest ji sivîlan û herêmên zindîdar û yên bijîşkî re, ji hêla hêzên rêjîma Esed û Rûsya, di heyva tîrmeha bûrî de bi hûrbînî aşkere dike.
Li gora serjimarê hejmara şehîdên sivîl 343 ne, 195 ji wan zilam, 83 zarok, û 61 jin in, û çar xwebexşkarên berevaniya sivîl ya Sûrî ne.
Tîmê hejmara birîndaran serjimar kiriye, 529 ji wan zilam in, 195 zarok û 128 jin û heşt xwebexşkar ji berevaniya sivîl in.
Serjimarê tomar kiriye ko Rûsya û rêjîmê 2428 mûşek û 2264 êrîş ji firokên cengê û 5165 guleyên topê û 135 çekên sotandinê û 141 mûşekên bombeyên goşeyî barkirî û 398 bermîlên teqîner û 88 mayûnên deryayî ko firokên perwane avêtine bikar anîne.
Serjimarê derbarê avahiyên amanckirî gotiye: 1137 xaniyên sivîlan, 28 dibistan, 13 bazarên gelî, sê navendên berevaniya sivîl, 10 mizgeft, sê nexweşxane, 379 zeviyên çandiniyê hatine amanckirin.
Operasiyona leşkerî ya hêzên rêjîmê û Rûsya di heyva tîrmeha bûrî de bû sedema ko 700 hezar sivîl ji bajar û gundên amanckirî koçber bûne.
Toreya Sûriyê ya mafên mirovan di dawîtirîn raporta xwe ya derbarê operasiyonên leşkerî de yên li ser bakurê Sûriyê got ko wê pêkanîna rêjîmê û Rûsya ji 33 komkujiyan re di heyva tîrmehê de belgeh kirine.
Toreyê tekez kir ko rêjîmê yasaya navdewletî ya mirovî û biryarên encûmena ewlehiyê binpê kirine, û daxwaz kir ko dosya Sûrî ber bi dadgeha tawanên navdewletî ve bête şandin, û hemû kesên destê wan di tawanan de hebe dadpirsîn bibin, ji wan jî rêjîma Rûsya, piştî ko tekez bûye ku tawanên cengê pêk anîne.
Jêder: Ofêsa Ragehandinê ya Hevbendiya Niştimanî
