Rêveberiya Berevaniya Sivîl a Sûrî, duhî li roja duşemê li bajarê Mie’ret Alni’hman pêncî ji endamên xwe yên birîndar li herdu parêzgehên Heleb û Idlibê xelat kirin.
Rêveberê Berevaniya Sivîl, Munîr Mustefa, got ku pêncî endamên wê birîndar ketin, dema bi hawara birîndar û kuştiyên di bin wêraniyan ve diçûn, bi sedema bombebarankirina bajar û bajarokên Sûriyê, û birînên hinan ji wan giran in.
Rêveberiya Berevaniya Sivîl di ahengekê de her yekî ji wan kumek sipî danê, wek rêzgirtinekê ji Berevaniya Sivîl ya ku rengê sipî bûye sembolek bo wan, û tevî pêşkêşkirina bawernameyên rêzgirtinê û xeletên diravî.
Hêjayê gotinê ye ku Berevaniya Sivîl “kumên sipî” bi xelata “Oskar” ya cîhanî hatibû xelatkirin, û herwiha bi xelata “sazkerên heviyê” li 18’ê gulanê li bajarê Dubeyî li Mîrgehên Erebî hatibû xelatkirin.
Tevî ku li demek pêştir ji bo xelata Nobil ya aştiyê li sala par hatibû berbijêrkirin, lê serneket, û li êlûna heman salê bi xelata salane ya mafên mirov “Right Live Lihood” ji aliyê rêxistina Siwêd ya mafên mirov hat xelatkirin, li ser qehremaniya wan ya bêhempa û dilsoziya wan ya mirovî ji bo hawarçûna sivîlan, û ev xelat wek “li şûna Nobil” tê naskirin.
Jêder: Ofîsa Ragihandina Hevbendiya Niştimanî- Wekalat
