Di encama bombebarana firokên cengê yên hêzên Esed û Rûsya û milîtanên bi ser Îranê ve di 48 demjimêrên derbasbûyî de, 25 kes li Sûriyê bi giştî şehîd ketin. Bombebaranê bajarên gundewarê Şamê û Hums û Hemayê amanc kirine, piştî 50 binpêkirinan ji agirbestê re, ya ko berî 18 rojan hatiye imzekirin.
Çalakvanan li bajarê Teblîsê li gundewarê Humsê, gotin ko firokên cengê yên hêzên Esed taxên niştecihan bi çend êrîşan amanc kirin, di heman dema topbarana ji rêbendên dewrûber ji wan deveran re. Di encamê de 7 kes şehîd ketin û bi dehan birîndar bûne, jin û zarok jî di nav wan de hebûn. Û çalakvanan gotin ko firokan gundê Dêrfûl û Izedîn li gundewarê Humsê amanc kirine, di encamê de avahî wêran kirine her weha bajarê Elresten û gundê Elferhaniya rojhava û Kîsîn û bajarokê Elginto hatine topbarankirin.
Çalakvanên gundewarê Hemayê tekez kirin ko firokên cengê yên Rûsî kuştarek li gundê Bacira li gundewarê Hema yê rojhilat pêkanîne , di encamê de 4 zarok û dêya wan bûne qurbanî. Bêtir gotin ko bombebaranê kesên malbatê yên din jî birîndar kirine, û çend avahî wêran kirine. Her weha bajarokên gundewarê Hema yê rojhilat rojane bi firokên Esed û Rûsya bombebaran dibin.
Berevaniya sivîl li gundewarê Şamê got ko firokên hêzên Esed doh gundin li Wadî Bereda amanc kirin, di heman dema bombebarana top û mûşekan û guleyên tankan û mûşekên zemîn-zemîn û şeşarên giran, her weha bombebaranê herêm û malên niştecihan amanc kirine, di encamê de çend sivîl û endamên berevaniya sivîl birîndar bûne, gava ko bi erkên xwe radibûn di şopandina herêmên bombebarankirî de.
Hevbendiya Niştimanî ya Hêzên Şoreşê û Rikberiya Sûriyê daxwaz ji civaka navdewletî kir, ko kar bikin ji bo rawestandina êrîşên rêjîmê û milîtanên tiroristên Îranî û binpêkirinên wan ji biryarên navdewletî û peymana agirbesta dawî re, û kar bikin ji bo agirbestê cîbicî bikin û fişareke birastî bikin da kartêker be di pêvajoya çareserkirina siyasî de li gora daxuyaniya Cinêvê1, û li biryarên Encûmena Ewlekariyê yên têkildar vegerin.
Jêder: Nivîsgeha Ragihandinê Ya Hevbendiya Niştimanî