Ji encama bombebarana Asmanî ya firokên rêjîma Esed û Rûsya ya ko herêmine berfireh ji parêzgeha Idlib û Hemayê duhî yekşembê armanc kirine, çar nexweşxane ji xizmetê derketine, û di ammanckirina nexweşxaneyekê de berdestê doktorekî û sivîlekî jiyana xwe jidest dane. Çalakvanên xwecihî gotin ku firokeke cengê ya Rûsya nexweşxaneya Kefer Nubil ya neştergeriyê bi çar êrîşên asmanî amanc kir, ko bû sedem ku berdestê doktorekî û sivîlekî jiyana xwe jidest bidin, û hin birîndar bûne û nexweşxane jî ji xizmetê derket.
Çalakvanan gotin ku amanckirina firokên cengê giha nexweşxana Nebid Elheyat li bajarê Has yê bi gundewarê Idlib ve ye, di encamê de nexweşxane ji xizmetê derket, lê ziyan tenê yên samanan bûn.
Çalakvanan destnîşan kirin ko firokeke Rûsî nexweşxana gundê Tirimla ya taybet bi nexweşiyên jin û zarokan e amanc kirine, di encamê de ziyan gelekî lê bûye û ji xizmetê derketiye, her weha firokên hêzên hevpeymanên rêjîmê û Rûsya nexweşxana Elmexara ya bajarokê Kefer Zîta bakurê Hemayê bi bermîlên teqîner amanc kirine, di encamê de ew jî ji xizmetê derketiye.
Bombebarana asmanî û ya bi mûşekan ya ko hêzên rêjîmê û Rûsya pê rabûne bû sedema ku 20 sivîl ji Idlibê şehîd ketine û bi dehan birîndar bûne, û bû sedem ko gelek sivîl ji gundewarê Hema yê bakur û rojava û gundewarê Idlib yê başûr ber kampên derbideran yên li bakurê Sûriyê derbider bûne.
Tîma Hevrêzkara Bersivdanê li Sûriyê di raporta xwe ya roja şemiyê de anî ziman ko hêzên Rûsî û rêjîmê bêtir ji 91 cihan ji wan 13 cihên zindîdar, çar navendên bijîşkî û nexweşxane û du cihên berevaniya sivîl û kampeke penaberan û pênc bargehên fêrkirinê amanc kirine.
Hevbendiya Niştimanî ya Hêzên Şoreşê û Rikberiya Sûriyê tekez kir li ser giringiya ko civaka navdewlketî bo rizgarkirina sivîlan tevbigere û bi taybetî jin û zarokên gundewarê Idlib û Hemayê û operasiyona bombebaran û koçkirina kotekî ya sivîlan ji gund û bajarên wan rawestîne û nehêle bêtir şehîd bikevin.
Hêzên rêjîmê û Rûsya ji 26.04 ve şer gûr kirine, û firokên wan komkujiyan li parêzgeha Hema û Idlibê pêk tînin, û peymana Idlib ya ko dibêje divê teqîn raweste û herêmeke bêçek pêk were binpê dikin.
Jêder : Ofêsa Ragehandinê ya Hevbendiya Niştimanî
