Piştî êrîşên rêxistina DAIŞ li ser bajarê Hesekê di 25 Hezêranê de bi hezaran welatiyên Hesekê ji malên xwe derketin û berê xwe dan bajarên mîna Amûdê –Dirbêsiyê – Qamişlo….û hin ji wan li cem mirovên xwe û hin di dibistan û mizgeftan de bi cih bûne li gor ku peyamnêrê me li Hesekê ragihand.
Ciwan Ebdulrehman penaberk e li bajarê Amûdê bicih bûye ji me re diyar kir ku rewşa wan pir xerabe û ew rastî gelek aloziyan hatine, ji ber germê û kêmbûna avê .
Ebdulrehman tekez kir ku ta niha ti alîkarî ji hêla komele û dezgehên xêrxwaziyê û yên civaka sivîl û Encumana Niştimanî ya kurdî bi wan re nebûye , ji bilî hewldanên lawaz yên xelkên sivîl li bajêr.
Li ser eynî mijarê Îsa Mihemed endamê xwecihiye ENKS li Amûdê got ku xwecihiyê ti alîkarî bi penaberên Hesekê re ne kiriye ji ber nebûna karînên xwecihiyê û wan doz li Emaneta Giştî ya ENKS kirine da ku alîkariyan ji penaberan re dabîn bikin.
Jêder : Hevbendî
