Di hilmeteka tawankarî de ya ji 12 rojên bûrî de berdewam e, carek din firokên cengê yên rêjîma Esed êrîş birin ser bajar û bajarokên Xûta rojhilata Şamê ku bû egerê şehîdbûn û birîndarbûna bidehên kesan û wêrankirina hejmareke mezin ji xaniyan û jêrxana bingehîn.
firokên cengê yên rêjîma Esed ya terrorist, çendîn êrîş birin li ser bajarê Hemûriyê, û 13 kes şehîd xistin, di nav wan de 4 jin û 6 zarok û zêdetir ji 15 kesên din birîndar bûn.
Herwiha bajarê Seqba jî rastî 8 êrîşên esmanî hat , û bazargeha wê hat armanckirin û bû sedema ketina bidehên şehîdan û di nav de jinek jî hebû, û di du êrîşên esmanî de li ser herdu bajarokên Cisrîn û Zemalka, bidehan sivîl hatin kuştin û birîndarkirin, herwiha bajarê Dûma û bajarokê Hiza jî rastî heman êrîşan hatin.
Ji aliyek din hêzên Esed bajarê Dûma bi hawinan topbaran kir, û bajarokê Eyîn Terma jî bi rûkêtan ji aliyê serbazgeha tankan û rêbenda “Elximasiyê” ya li Qabûn rastî topbarankirinê hat.
Di heman mijarê de, duhî Encûmena Xwecihî û hêzên bergiriya Sivîl li bajarê Heresta di daxuyaniyek hevbeş de “Heresta Bi bajarekî Qeyranê” ragihandin, piştî hilmeteka êrîşkirina esmanî ya bêhempa li ser ji aliyê firokên Esed û armanckirina wî bi rûkêt û mûşekên zemîn-zemîn û bi narincokên hawinan, bi taybetî armanckirina baregehên Encûmena Xwecihî û bergiriya sivîl, herwiha di daxuyaniya hevbeş de hat ku rêjîma Esed “bi awayekî peyrewkirî berdewam e di wêrankirina bajar, bi rêka wêrankirina xanî û avahiyên nişteciyan, yan bi rêka mayînkirin û teqandina wan û yanjî armanckirina wan bi mûşekan”.
Ji aliyek din Hevbendiya Niştimanî di daxuyaniyekê de dabû zanîn ku Helwesta bêreng ya heryek ji Encûmena Ewlekariyê û Civaka Navdewletî dibe hokarekî alîkar ji heryek ji Îrana dagîrker û rêjîma Esed re bo zêdekirina kuştarên xwe li dijî xelkê Sûriyê.
Hevbendiya Niştimanî bi tundî sercem cor û awayên piştgiriya serbazî û ya darayî bo rêjîma Esed şermezar kiribû, nemaze piştgiriya bi pêdana çek û teqemeniyan her li jêr çi behaneyekê û ji kîj aliyî be, û wê piştgiriyê bi beşdariya di tawanên dijî mirovan li qelem dide, û dît ku rêgirtin li pêşiya berdewamiya van tawanan berpirsayertiyek yasayî û rewştî ye, û herwiha da zanîn ku pirçekirina rêjîmê dibe alîkar ji encamdana tawanên zêdetir û kuştin û qirkirinê re.
Hevbendiyê Tekez kiribû ku êrîşên Esed ne êrîşên bitewşî ne, ji ber ku ew firok mûşekên arestekirî bi mebest bi ser sivîlan de dibarînin, bi armanca kuştina hejmarek mezin ji sivîlan bi taybetî di dema demjimêrn qerebalixa bazargeh û şeqaman de.
Herwiha Hevbendiya Niştimanî tekez kiribû ku armanckirina navçeyên sivîlan li ser tawanên şer û binpêkirina yasaya navdewletî tên pejirandin, li jêr çi hêncet û behaneyekê be, zêdebarî vê yekê Hevbendiyê dabû zanîn ku tawanên rêjîmê bi gelekî ji astê van tawanan dijwartir in, ji ber armanckirina sivîlan di serê lîsteya armancên bombebarankirinê de tê, bi hewla kuştina zêdetirîn hejmar ji sivîlan di her êrîşekê de.
Jêder:Hevbendî +Wekalat
