Kuştarek hovane li bajarokê Mişmişan li gundewarê rojava yê Idlibê di derheqê sivîlan de ji aliyê firokên Rûsiya hat pêkanîn, bi armanckirina wê bi çend mûşekên bihêzteqîn, û li aliyek din kuştarek ji aliyê hêzên Hevpeymaniya Navdewletî di derheqê bidehan sivîlên gundê Ehîşa li gundewarê bakur yê parêzgeha Reqa hat pêkanîn.
Hin çalakvanên gundewarê Idlibê ragihandin ku firokên Rûsiya bi çar mûşekan xaniyên sivîlan li Mişmişan bombebaran kirin, û yekser 6 şehîd û gelek birîndar ketin, ku hêjî tîmên bergiriya sivîl radibin bi derxistina kesên dibin kavêlên avahiyên wêrankirî de.
Û li Reqayê çalakvanên kampaniya “Reqa Bi Bêdengî Tê Serjêkirin” ragihandin ku gundê Elhîşa ji aliyê firokên Hevpeymaniya Navdewletî bi çend êrîşan hat armanckirin, û têde 23 kes hatin kuştin û çend birîndar ketin, ku nasnameya hin kuştiyan nehatiye naskirin, û bi sedema êrîşan û ji tirsa dubarekirina wan xelkê gundkoçber bûn.
Hêjayê gotinê ye ku ji berî niha çend kuştar ji aliyê firokên Hevpeymaniyê bi şaşî hatine pêkanîn dema armanckirina navçeyên sivîlan bi gomana lêdana pêgeh û baregehên DAÎŞê, ku bi vê yekê çend kuştar li Dêrazorê û Heleb û Reqê hatin pêkanîn û têde bi sedan sivîlên bêguneh hatin kuştin.
Herwiha firokên Esed û yên Rûsiya û ji berî çend rojan bi mûşekên bihêzteqîn yên hilgirtî bi pareşotan, komeke xwendingeh û bazareke gelêrî li bajarokê Has li gundewarê Idlibê armanc kirin û têde û bi kêmahî 26 şehîd ketin ku piraniya wan xwendekar û wanebêj bûn, tevî birîndarbûna bi dehên dîtir.
Hevbendiya Niştimanî ya hêzên şoreş û rikberiya Sûriyê bal kişandibû ku armanckirina navçeyên nişteciyan ya ji aliyê Rûsiya û Rijêmê û bi awayekê pêrewkirî û bi mebest dibe, û herwiha ku hewlên zêdetir ji aliyê Rûsiya dibin bo kuştina xelkekê zêdetir ên bêguneh û ji bo neçarkirina wan li ser erêkirina agirbestan ji derveyî çarçoveya piroseya siyasî.
Û Hevbendiyê daxwaz ji hêzên Hevpeymaniya Navdewletî kiribû bi pêwîstiya rawestandina oparesyonan û bi pêwîstiya hemahengiyê bike li ser zemînê ligel artêşa azad, ji bo ku sivîlên bêguneh ji êrîşên rojane yên li ser wargehên DAÎŞê bêne dûrxistin.
Jêder: Nivîsîngeha Ragihandina Hevbendiya Niştimaniya Sûriyê
