Duhî roja yekşemê, pênc kesên sivîl bi astên cuda birîndar bûn, ji ber topbarana giran ji aliyê hêzên rejîma Esed li ser bajarê “Elşerî’a” li rojavayê Hamayê, herwiha bû sedema peydabûna pêleke koçberiya nû li piraniya deverên bombebarankirî, hevdem ligel pêkanîna komkujiyan li dijî sivîlan ji aliyê hêzên rejîmê di herdu rojên borî de.
Li gor çalakvanên gundewarê Hemayê, çend bajarok bi çekên giran û bi hawanan ji aliyê hêzên Esed hatin topbarankirin, di nav de el-Latamina û Kefr Zêta, Zakat û Tel Sexir, Canabira, Tel Hewaş û Hisraya û Alcisat, el-Arben, Kelha Medîq û gundên el-Cemasa, el-Şerî’a, Cisr Beyt Arras, Alhemra, Al-Huwayz, Al-hewêca, Tobe, Alkirkat û Atawanih li gundewarê Hemayê.
Li gorî mediya xwecihî, gund û bajarokên Kelha Almedîq bi giranî ji aliyê hêzên rejîmê hatin topbarankirin, û bû sedema peydabûna koçberbûna bi dehên malbatan ber bi bajarên sînorê Tirkiyê de, herwiha gundên bakurê Hemayê li êvara înê bi dijwarî ji aliyê hêzên Esed hatin topbarankirin, bi taybetî piranîya devera başûrê Deşta el-Xab.
Û komkujiyek li bajarê Xanşîxon li gundewarê Idlibê ji aliyê hêzên Esed ve li roja înê borî hatibû pêkanîn, û têde neh kesên sivîl hatibûn kuştin, hevdem gundewarên başûrê Idlibê û rojavayê Hemayê li çend rojên borî bi rokêt û mûşekan ji aliyê hêzên rejîmê hatibûn topbarankirin, û têde komkujiyek li dijî sivîlan hatibûn pêkanîn.
Ji aliyê xwe ve, Hevbendiya Niştimanî ya hêzên şoreş û rikberiya Sûriyê bang li civaka navnetewî kiribû ji bo bidawîkirina tawanên hêzên rejîmê, û tekez kiribû ku ev komkujî ji aliyê hêzên Esed teqez dikin ku hêjî berê rejîmê li rijandina xwînê ye ji bo astengîkirina her pêvajoyeke siyasî ya welat dûrî kuştin û wêrankirinên zêdetir bike.
Tê zanîn ku ev zêdegavîyên rejîmê hatin piştî piştrastkirina dewletên gerantor li Soçî li ser berdewamiya karê peymana Idlibê, ya teqeziyê li ser duristkirina herêmeke bêçek û pêkanîna agirbestê li tevaya navçeyê dike.
Jêder: Ofîsa Ragihandina Hevbendiya Niştimanî ya Sûriyê
