Kampanyaya medyayî ya hatibû ragihandin ji aliyê hin çalakvan û hunermendên Sûrî li ser malperên tora civakî ji bo tewanên rejîma Esed di bîra cîhanê de bînin hêjî berdewam e, û daxwaza cezakirina wê li ser tawanên bikaranîna çekên kîmyayî li dijî welatiyên Sûriyê kirin.
Ev kampanya ji aliyê hin çalakvan û hunermendan hatiye, bi armanca livandina raya giştî ji berî destpêkirina lêpirsînan ji aliyê “Rêxistina Qedexekirina Çekên Kîmyayî,” di destpêka meha bê de, ji bo balkişandina bîr û raya giştî ya cîhanê li ser tawanên rejîma Esed.
Çalakvan û hunermendên beşdar di Kampanyê de, bi riya kurtevîdiyokê, û li ser navên xwe bang li civaka navnetewî kirin ji bo sizadana rejîmê Beşar Esed li ser tawanên wê yên ji destpêka şoreşa sûrî de.
Ji nava hunermendên Sûrî yên beşdar: “Abdul Hakim Qitêfan” û “Niwar Bilbil”, bijîşka Sûrî “Raniya Qeyser” û du çalakvan “Hadî El-Abdullah” û “Ebû Cafer Elmixerbil”.
Kordînatorê kampanyê û endamê “Navenda dokumentkirina binpêkirinên kîmyayî li Sûryê”, Wasim al-Xetîb, bal kişand ku divê “Civaka navnetewî bi erkên xwe yên exlaqî rabe, û bêdeng nemîne hember tawanên rêjîmê yên berdewam li dijî gelê Sûriyê”.
Navendê bang li rêxistinên civaka sivîl û rêxistinên mafên mirovan kir, ji bo beşdarbûna di vê kampanyayê de, ji bo piştgiriya armancên wê û daxwazên sizadana gunehbarên bikaranîna çekên qedexekirî yên navnetewî.
Kampanyê, Konseya Ewlekariyê ya Netewên Yekbûyî bi temamî berpirsyar dît li hemberî pêkanîna biryara 2209, ya ku gaza kilorê ji çekên kîmyayî dibîne, û bikaranîna çekên kîmyayî bi awayê leşkerî dibe binpêkirin ji yasa navnetewî û biryara 2118 re.
Tê zanîn ku Navendê di daxuyaniyeke berê de ragihandibû ku 261 caran çekên kîmyayî li Sûriyê hatine bikaranîn, û di şeş salên borî de bûne sedema kuştina 3,423 kesan, û birîndarbûna 13943 kesên din, ên piraniya wan jin û zarok bûn.
Kampanyaya çalakvanan û hunermendan daxwazê dike ji bo şandina doseya sûrî ji bo dozgeriya Dadgeha Tawanên Navnetewî, ji bo sizadana kesên tawanbarên pêkanîna tawanan li dijî gelê Sûriyê û tawanên dijemirov û di serî de sizadana serokê rejîmê Beşar el-Esed û serokên dezgehên ewlekariyê.
Jêder: Ofîsa Ragihandina Hevbendiya Niştimanî ya Sûrî
