Çalakvaniyên sivîl û yên siyasî û kar li parêzgeha Idlib nameyek ji Encûmena ewlehiya navdewletî û Netewên yekgirtî û wezîrê derve yê Polenda re şand, çimkî ew serokê rola Encûmena ewlehiyê yê nuha ye, tako bobelatê li parêzgehê rawestînin.
Daxuyaniya çalakvaniyan tekez kir ko Idlib li jêr agirê dijminkariya Rûsya û Îranê ye, yên ko alîkariya rêjîma Esed di kuştina milet û koçkirina sivîlan de dikin, û bal kêşand ser derdê bêtir ji çar milyon sivîl ko li parêzgehê dijîn.
Daxuyaniyê got ku zêdegaviyên rêjîmê û hevalbendên wê bûn sedema ku bi hezaran sivîl birîndar bibin û bêne kuştin, û hemû bargehên bijîşkî, tendiristî, bazar û nexweşxane wêran kirine, hem malên sivîlan û navendên berevaniya sivîl amanc kirine.
Daxuyaniyê got ku giring e yasayên navdewletî û mirovî kartêker bibin, û alava kuştinê ya Rûsî û Îranî û hevalbendên wê rawestînin, ko xaka Sûriyê kirine zeviyeke ezmûnekirina çekên normal û yên qedexeya navdewletî.
Daxuyaniya çalakvaniyan daxwaz ji Netewên Yekgirtî û Encûmena ewlehiyê bo parastina ewlehî û aştiya navdewletî û rawestandina çi zêdegaviya dijî jiyana mirovan, û kar bikin bo têwerdanê yekser bikin bo bobelatê rawestînin, li parêzgeha ko ketiye ber êrîşeke tund ji hêla hêzên rêjîmê û hevalbendên wê biparêzin.
Daxuyaniya çalakvaniyan daxwaz ji Encûmena Ewlehiyê kir ko herdu biryarên 2118, 2254ê cîbicî bike, bo dest bi pêvajoya çareseriya siyasî ya herdemî li Sûriyê dest pê bike.
Ofêsa Ragehandinê ya Hevbendiya Niştimanî
