Ced’an Alî, endamê nûnerîtiya Encumana Niştimanî Ya Kurd li Herêma Kurdistana Îraqê, got ku reftara PYD û destdanîna wê li ser dermanên ku ji Herêma Kurdistanê hatibûn şandin, û destdanîna wê bi tena xwe li ser movikên jiyana xelkê li Sûriyê, westan û tengasiyên jiyana xelkê pir dike, û beşdariyê di têkbirina baweriyê li rex Saziyên Civaka Sivîl yên ku hewla pêşkêşkirna alîkariyan didin, ji bo deverên bobelatlêbûyî yên di rewşa ceng û dorpêçê de ne dike.
Û Alî herweha got ku tengkirina dorpêçê û destdanîna li ser her tiştê ku tên deverên kurdî ji aliyê Partiya PYD û desteyên wê ve, dibe astengî li pêş sivikkirina derdeseriya nişteciyan li deverê, û şerê wan di gepa nanê wan de dike.
Û Alî tekez kir ku Encumana Niştimanî Ya Kurd mejiyê tekrewî û stemkariyê û sepandina desthilatê bi hêza çekan red dike, û ti sûde di vê siyaset û çandê de tune ye, û têkçûna wê hatiye diyarkirin di rêvebirina welat de, û ji bilî wêranî û têkçûnê ji civakê re nayne, û daxwazê ji PYD dike ku dest ji van karên kirêt berde, yên ku ziyanê digihînin dîroka kurdan û navûdenê wan yê bibaşî belav bûye .
Û tê zanîn ku herêma Kurdistanê 4 Tonên derman di riya ENKS re ji birîndarên teqîna Qamişo re, ya di 27 tîrmehê de rû da û bi dehan şehîd û birîndar ketin şandibûn.
Jêder: Hevbendî
