Çekdarên PYDê van çend rojên dawî bi hilmetek berfireh li gundê Efrînê dijî sivîlan bi armanca leşkeriya neçarî radibin.
Di vê mijarê de, Azad Osman endamê nivîsîngeha ragihandina kombenda kurd got ku gundê Erebo Oşaxî li Efrînê ji aliyê çekdarên PYDê ve hat dorpêçkirin, û têde mêrên gund yên ji temenê 14 heta 60 salî hatin girtin ji bo leşkeriya neçarî.
Osman got ku gelek ciwanên navçeyê ji ber leşkeriya neçarî ya ji aliyê PYDê ve tê sepandin ber bi çiyayên nêzîk ve reviyan, ku PYDê leşkeriya neçarî li ser xelkên navçeyê bê cudahiya jiyên wan ferz dike, ku heta pîremêrên 50 salî jî ji heman gundî ji aliyê çekdarên PYDê ve li xwendingeha gund hatin vexwendin bo civînekê bi armanca leşkeriya neçarî.
Hêjayî gotinê ye ku bi sedhezar hemwelatiyên kurd nemaze ciwanên kurd bi neçarî ji ber kiryarên PYDê û bi taybetî ji ber leşkeriya neçarî ji welat ber bi Herêma Kurdistana Îraqê û Tirkiyê û Ewropa ve revîn û koçber bûn.
Jêder: beşê kurdî yê ofîsa ragihandina Hevbendiyê/ Basnew
