Serokê Encûmena xwecihî endazyar Yûsiv Derwîş ji Acansa Simart re got ko “çaksazkirinên nuha bi kazînan û ava vexwarinê ve girêdayî ne, lê pêşendeyên me ew in ko em rêkên qîrkirî yên ziyan li wan hatiye kirin çêbikin, û deverên em dixwazin çaksaz bikin rêkên sereke û zindîdar in ”.
Derwîş bal kêşand ser ko ev piroje hatine bi amanca nû-avakirina dezgehên xizmetgozarî “bi şêweyekî pîşesazî li gor sîstemên birêveberî û darayî” û wê Encûmen çavdêriyê bike, tev li karînên darayî yên kêm.
Her weha Derwîş daxwaz ji hemû aliyên piştgiriyê dikin kir, da di vê kampanyayê de beşdar bibin, û bal kêşand ser ko Encûmen bi kadirên xwe amade bûye ji bo pêkanîna hemû karên xizmetgozarî û birêveberî yên giring in ji bo ji nû ve bajêr pêşde bibin.
Desthilata demkî bi hevkariya Encûmena xwecihî ya bajarê Telbîsê li gundewarê Humsê û Yekîneya hevrêzkariya piştgiriyê, pirojeyê dabînkirina ava paqij ji bo hemû xelkê ko hejmara wan digihê 50 hezar niştecihî cîbicî kirin, piştî ko rêjîmê cihê deranîna avê bombebaran kirin û av nema digiha bajêr, û kêmbûna ava bin erdê li herêmê ya ko dikir ko bobelateke mirovî bîne serê xelkê.
Jêder: Nivîsgeha Ragihandinê ya Hevbendiya Niştimanî/Simart
