Nûnerên hêzên leşkerî û çalakiyên civakî û hoz û aşîrên li bajarê Dêrazorê, daxuyaniyeke hevbeş dan û têde tekez kirin ku Îran welatekî dagîrker e, û ew ji bo pêkanîna berfirehkirina kontrolkirina xwe ji deverê re kar dike.
Daxuyanî duhî derket û têde bal hatiye kişandin ku Îranê rêkeftina “Kêmkirina Şer” derfet dîtiye, û milîşên xwe şandine ber bi parêzgeha Dêrazorê ji bo kontrolkirina wê bi armanca girêdana hin bajar û paytextên dewletên Erebî bi Tehranê ve, ji bo pêkanîna ” armancên xwe yên berfirehkirinê”, piştî bizavên milîsên wê yên ber bi Qelmona rojhilat û biyabana Sûriyê û sînorên Sûriya û Îraqê ve.
Daxuyaniyê tekez kir ku ew ” dagîrkariya Îranê” bi sercem şêweyên wê ve red dike, û artêşa azad ya ji xelk û eşîrên Dêrazorê pêktê “take nûnerê rewa” ye ji bo rizgarkirina parêzgehê ji rêxistina DAIŞ.
Daxuyaniyê diyar kir ku pêşedçûnên milîsên Îranê ber bi Dêrazorê ve, xebatên ji bo dijberiya DAIŞ dibin aloz dikin, û dibe gef li ser “aştiya navxweyî”, û hewlên “veguhestina siyasî” beravêtî dike. Û daxuyaniyê daxwaza dirustkirina serpereştiyeke siyasî û leşkerî ya hevbeş ji hêzên siyasî û leşkerî û civakî yên Dêrazorê kir, ji bo têkşikandina rêxistina DAIŞ û pûçkirina “pirojeyê Îranê”,.
Jêder: Ofîsa Ragihandina Hevbendiya Niştimanî
