Carek din ciwanek vegeriya werizeş û yariya topa pê piştî danîna lingekî çêkirî ji şûna lingê wî yê ku berî sê salan jidest daye bi sedema êrîşên rijêma Esed li ser taxên sivîlan li Xûta rojhilat ya dorpêçkirî.
Û hêjî êrîşên esmanî yên rijêma Esed û Rûsiya li bajar û bajarokên Sûriyê berdewam in, û rojane dibin sedema kuştin û birîndarbûna bi dehên kesan û jidestdana endamên laşê mirovan, û “Ebû Enes” yek ji wan ciwanan bû, yê nikarubû vê lîska xwe ya jê hez dike bilîze, bi sedema nebûna derman û alavên çareseriya pizîşkî.
Herwiha êrîşên esmanî yên berdewam di zêdetir ji şeş salan de, bûne sedema mirina zêdetir ji nîv milyon kesî û kêmendambûna zêdetir ji milyonek kesê din, û rêxistina kêmendamên navdewletî di raporta xwe ya di 12’ê adara 2015 an de, tekez kiribû ku îro bidehên hezaran ji Sûriyan, ji nav zêdetir ji milyonek kesê birîndar, pêwîstiya wan ya bilez bi neştergeriyan û endanên çêkirî û çareseriya pizîşkî heye, û bal kişandibû ku qeyrana niha wê nifşekî ji birîndar û kêmendaman li pey xwe bihêle, heger alîkarî û çareseriya wan nebe.
Û rijêma Esed û Rûsiya di êrîşên xwe de çekên bitewş yên qedexekirî wek bermîlên teqîner û mûşekên fisforî û bombeyên weşî û napalim bikar tînin, û rêveberê centera “Ferha” di hevdîtinekê de ligel rojnameya “Beledî News” diyar kir ku tevî kêmbûna şiyanan, ew hewla peydakirina pê û destên çêkirî dikin, bo pêşkêşkirina wan ji kêmendaman re, û ew têkiliyan bi kesên pispor di vî warî de re dikin, û ji wan hîn dibin, û wan karîbû guhertinan têxin lingê “Ebû Enes” yê çêkirî û çêtir bikin, û niha ew dikare bi wî lingî birêve biçe bê bikaranîna daran.
Û tirajidiyayên kêmendamên Sûriyê zêdetir dibin bi sedema xemsariya civaka navdewletî û guhnedana bobelata wan û nebûna çavdêriya darayî û saxlemiya pêwîst ya ji bo sivikirina rewşa jiyana wan ya xirab, kêmendamên bi sedema bombebarankirinê hin ji wan birîndarên dest an pê hatine birîn, û hin din şêwandinên wan giran in, û hin falincên endanan yan yên mejî bi wan re çêbûne.
Karmendên navenda Ferha dibêjin ku Ebû Enes carek din vegeriya bo werzeşa goka pê ji ber vîna wî ya bihêz û wergirtina çareseriya nojdarî li ser destê şehrezayên pizîşkên çareseriya fîzîkî, ku bi carekî ji dar û kopalan xilas bû, û werzeşa xwe dike tevî nebûna lingekî wî .
Jêder: Nivîsîngeha Ragihandina Hevbendiya Niştimaniya Sûriyê