Kanala Elcazîre hevpeyivînek digel Leşkerekî cudabûyî ji Ewlekariya Rêjîmê, di Nexweşxaneya Elmeze ya Leşkerî de (601) li Şamê kar dikir. Dîdevaniyeke pir tirsank li ser awayê danûstandina Rêjîma Esed bi kelaxên kesên di bin êşkenceyê de jiyana xwe jidest didin re da.
Dîdevan dibêje hejmara pêşî ji kelaxan giha Nexweşxana Mezê ya leşkerî berî çar salan bû, 45 cendek ji parêzgeha Der’a bûn.
Hejmara wan hin bi hin zêdetir bû heta ko nema karîna Sarincên Miriyan yên Nexweşxaneyê hebû da wan hilgire. Karmendên Nexweşxanê mecbûr bûn cendekan li meydana Turumbêlên Nexweşxanê bavêjin, Turumbêlin qapatkirî dihatin Meydanê cendekê Girtiyan yên li Şaxên Ewlekariyê di bin êşkencê de miribûn davêtin Meydanê hejmara Girtî û Şaxê Ewlekariyê bi xeta reş li ser wan nivîsandibûn.
Dîdevan got: Hejmara cendekan rojane digiha 80 yî.
Bijîşkê yasayî cendek didît û hejmara wî dinivîsand.
Ew cendek li Meydanê du-sê Rojan diman li wir Seg û Pisîk û Cirdan ew dixwarin li gora ewî got heta hejmara wan dibû 200 ew ji wir dibirin.
Dîdevan got: Mirî di hundirê Turumbêlan de li ser hev kom dikirin, û hindek cendek şûna lêdan, kehrebê û gurîbûn û birçîbûnê li ser wan hebû. Temenê wan di navbera 10 û 70 salî de bû.
Bêtir got hin nûçe li nav me belav bûn ko ew cendek dikirin Êtûneke taybet de ku Rêjîma Îranê li Nexweşxana Heresta li Gundewarê Şamê çê kiriye an jî di gorên komel de vedişartin. Û anî ziman ko hevalekî wan xwest ko ji Rêjîmê cuda bibe lê hêzên Rêjîmê ew girtin, piştî sê rojan cendekê wî bi ser hevalên wî de hat.
Cîgiria Hevbendiya Niştimanî Sûrî Nexem Elxadirî tekez kir ko: “Rêjîma Esed tawankariyên tiroristî yên ko jê hatin di kuştina Gelê Sûriyê û bikaranîna hemû Çekan û êşkencekirina Girtiyan di binê zindanan de kirin, û raporta Qeyser yê cudabûyî tekez kir ko 11 hezar Girtî di zindanên Esed de jiyana xwe jidest dane. ”
Her wiha Hevbendiya Niştimanî doz li Civaka Navdewletî û Rêkxistinên Mafên Mirovan kir da ko” sînorekî ji tawankariyên Esed û Çeteyên wî re yên dermafê Girtiyan dikin deynin.”
Hevbendiyê di daxuyaniyeke berê de gotibû: “Eger Civaka Navdewletî gavine lezgîn navêjin da Esed û dezgehên ewlekariya wî siza bikin, ew bi xwe jî beşdarbûn di tawankariyê de ye û karekî nayê pejirandin.”
Jêder: Hevbendî+Elcezîre